ବେଲଗୁଣ୍ଠା,୧୯/୧୦/୨୦୨୩: ଅକ୍ଟୋବର ମାସ ଆସିଲେ ଓଡ଼ିଶା ବାସୀଙ୍କୁ ଘାରିଥାଏ ବନ୍ୟା ବାତ୍ୟା ଭଳି ପ୍ରାକୃତିକ ବିପର୍ଯ୍ୟୟର ଭୟ I ଏହି ପ୍ରରିପ୍ରେକ୍ଷୀରେ ବେଲଗୁଣ୍ଠା ବ୍ଳକ୍ ଏବଂ ଏହାର ସମସ୍ତ ଅଠରଟି ପଞ୍ଚାୟତରେ ଯେ କୌଣସି ବିପର୍ଯ୍ୟୟର ପରିଚାଳନାର ଯୋଜନା ପ୍ରସ୍ତୁତି ପାଇଁ ବେଲଗୁଣ୍ଠା ପଞ୍ଚାୟତ ସମିତି ପରିସରରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି I ବେଲଗୁଣ୍ଠା ଗୋଷ୍ଠୀ ଉନ୍ନୟନ ଅଧିକାରୀ ଭାରତୀ ଦେବୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କର୍ମଶାଳାରେ ଜିଲ୍ଳା ବିପର୍ଯ୍ୟୟ ପରିଚାଳନା ଅଧିକାରୀ ଦେବେନ୍ଦ୍ର ନାୟକ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ପୂର୍ଣ୍ଣଚନ୍ଦ୍ର ପାଢୀ,ସହକାରୀ ନିର୍ବାହୀଯନ୍ତ୍ରୀ ନବୀନ ଭୂୟାଁ ପ୍ରମୁଖ ମଞ୍ଚାସୀନ ଥିଲେ I କର୍ମଶାଳାରେ ପ୍ରାକୃତିକ ବିପର୍ଯ୍ୟୟ ସମୟରେ ଜନ ସାଧାରଣଙ୍କ ସୁରକ୍ଷା, ଆଶ୍ରୟ ସ୍ଥଳୀର ପରିଚାଳନା,ରିଲିଫ ବଣ୍ଟନରେ ସ୍ଵଚ୍ଛତା ଏବଂ ଜନ ସାଧାରଣଙ୍କୁ ବିପର୍ଯ୍ୟୟ ସମ୍ପର୍କରେ ଅଗ୍ରୀମ ସୁଚନା ପ୍ରଦାନ ଓ ସଚେତନତା ସମ୍ପର୍କରେ ଆଲୋଚନା କରାଯାଇଥିଲା I ଏହି କର୍ମଶାଳାରେ ସମସ୍ତ ଜନ ପ୍ରତିନିଧି,ବିଭାଗୀୟ ଅଧିକରୀ ଏବଂ ବ୍ଳକ୍ କର୍ମଚାରୀମାନେ ଉପସ୍ଥିତ ଥିଲେ I
