ବ୍ରହ୍ମପୁର,୦୧/୦୮/୨୦୨୪: ସଙ୍କଳ୍ପ ସ୍କୁଲ ପରିସରରେ ଏକ ବ୍ୟାପକ ସ୍ଵାସ୍ଥ୍ୟ ଶିବିର ଆୟୋଜନ କରାଯାଇଥିଲା । ଏହି ଶିବିରରେ ପ୍ରାୟ ୭୦୦ ଛାତ୍ରଛାତ୍ରୀ ଏବଂ କର୍ମଚାରୀ ଚିକିତ୍ସିତ ହୋଇଥିଲେ ।ଆଇ ଡି ଏ ସହ ମିଳିତ ଭାବେ ଏହି ଶିବିର ଆୟୋଜିତ ହୋଇଥିଲା ଏବଂ ଚକ୍ଷୁ ବିଶେଷଜ୍ଞ ଡକ୍ଟର ବି ନାଗେଶ୍ବର ରାଓ ସୁବୁଦ୍ଧିଙ୍କ ସମେତ ଡକ୍ଟର ଇ ଜୟନ୍ତ ରାଓ,ଚର୍ମ ବିଶେଷଜ୍ଞ ଡକ୍ଟର ଅନ୍ତର୍ଯ୍ୟାମି ସାହୁ, ଶିଶୁ ବିଶେଷଜ୍ଞ ଡାକ୍ତର ଟି ପ୍ରକାଶ ରାଓ, ଡକ୍ଟର ଶ୍ରୀଧର ମୂର୍ତ୍ତି, ଡକ୍ଟର ଚକ୍ରଧର ରାଜୁ, ଇ ଏନ ଟି ବିଶେଷଜ୍ଞ ଡକ୍ଟର ଇ ରଣଜିତ ପାତ୍ର, ଡକ୍ଟର ଇ ପଦ୍ମନାଭ ରାଓ,ଆଇ ଡି ଏ ସିଲ୍କ୍ ସିଟିର ସଭାପତି ଡକ୍ଟର ମହେଶ ମହାପାତ୍ର, ସମ୍ପାଦକ ଡକ୍ଟର ଲାଲାଟେନ୍ଦୁ ଦାସ, ଡକ୍ଟର ଚିନ୍ମୟ ସାମନ୍ତରାୟ ଓ ଆଇ ଡି ଏର ପ୍ରାୟ ୧୫ ଜଣ ଦନ୍ତ ଚିକିତ୍ସକ ବିଭିନ୍ନ ଦନ୍ତ ସମ୍ବନ୍ଧୀୟ ରୋଗର ଚିକିତ୍ସା କରିଥିଲେ। ଏହି ଶିବିରରେ ଆଖୁ, ଚର୍ମ, ଶିଶୁ ଏବଂ ସାଧାରଣ ସ୍ବାସ୍ଥ୍ୟ ଚିକିତ୍ସା କରାଯାଇଥିଲା |
ସ୍ଵାସ୍ଥ୍ୟ ଶିବିରକୁ ଦକ୍ଷତାର ସହିତ ସଂଗଠିତ କରାଯାଇଥିଲା ଏବଂ ସଫଳତାର ସହିତ କାର୍ଯ୍ୟକାରୀ କରାଯାଇଥିଲା, ଶିକ୍ଷକ ତଥା ଅଣଶିକ୍ଷକ କର୍ମଚାରୀ, ବିଦ୍ୟାଳୟର ଏନସିସି, ସ୍କାଉଟ୍, ଏବଂ ଗାଇଡ୍ ସ୍ଵେଚ୍ଛାସେବୀମାନଙ୍କ ଉତ୍ସର୍ଗୀକୃତ ଉଦ୍ୟମରେ ଏହି କାର୍ଯ୍ୟକ୍ରମଟି ସୁଚାରୁରୂପେ ପରିଚାଳିତ ହୋଇଥିଲା । ଏହି ଶିବିରରେ ସ୍ଵାସ୍ଥ୍ୟ ସମସ୍ୟାଗୁଡିକର ଚିହ୍ନଟ ପାଇଁ ଏକ ସୁଯୋଗ ପ୍ରଦାନ କରିଥିଲା ଏବଂ ପ୍ରତିଷେଧକ ସ୍ବାସ୍ଥ୍ୟ ସେବା ଅଭ୍ୟାସକୁ ଉତ୍ସାହିତ କରିଥିଲା । ସାମଗ୍ରିକ ସୁସ୍ଥତା ପାଇଁ ନିୟମିତ ସ୍ବାସ୍ଥ୍ୟ ଚିକିତ୍ସାର ଗୁରୁତ୍ବକୁ ଶିବିରରେ ଅଂଶ ଗ୍ରହଣ କରିଥିବା ସଦସ୍ୟ ମାନେ ସକରାତ୍ମକ ମତାମତ ପ୍ରଦାନ କରିଥିଲେ ।
ଏହି ସ୍ବାସ୍ଥ୍ୟ ଚିକିତ୍ସା ଶିବିରର ସଫଳ ସମାପ୍ତି ସଙ୍କଳ୍ପ ବିଦ୍ୟାଳୟ ସମ୍ପ୍ରଦାୟର ସ୍ବାସ୍ଥ୍ୟ ଏବଂ କଲ୍ୟାଣ ପାଇଁ ପ୍ରତିବଦ୍ଧତାକୁ ସୂଚିତ କରିଥିଲା। ପରିଶେଷରେ ସମସ୍ତ ସ୍ବାସ୍ଥ୍ୟ ବିଶେଷଜ୍ଞଙ୍କୁ କୃତଜ୍ଞତା ଜ୍ଞାପନ କରାଯାଇଥିଲା ।
