ପୋଲସରା, ୦୨/୦୮/୨୪ : ପୋଲସରା ବ୍ଲକ ଅନ୍ତର୍ଗତ କଳମ୍ବ ଠାରେ ମିଟୁ ସେନା ପକ୍ଷରୁ ମହିଳା ସଚେତନତା କାର୍ଯ୍ୟକ୍ରମ ସହିତ ମହିଳା ୱିଙ୍ଗ ଗଠନ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବିଜେପି ମହିଳା ସଙ୍ଗଠକ ପ୍ରତିମା ସାହୁଙ୍କ ଅଧକ୍ଷ୍ୟତା କରିଥିବା ବେଳେ ରୀନାରାଣୀ ଦେବୀ ସଂଯୋଜନା କରିଥିଲେ। ପୋଲସରା ମିଟୁ ସେନାର ଆବାହକ ତଥା ବରିଷ୍ଠ ଆଇନଜୀବୀ ପବିତ୍ର କୁମାର ନାୟକ କାର୍ଯ୍ୟକ୍ରମରେ ଯୋଗଦେଇ ମହିଳାମାନଙ୍କ ଅଧିକାର ଓ କର୍ତ୍ତବ୍ୟ ସମ୍ପର୍କରେ ସଚେତନ କରିଥିଲେ l ଯେକୌଣସି ସମାଜ ନାରୀମାନଙ୍କର ସହଯୋଗ ବିନା ଅଗ୍ରଗତି ହୋଇପାରିବ ନାହିଁ। ବର୍ତ୍ତମାନ ଗ୍ରାମରୁ ସହର ପର୍ଯ୍ୟନ୍ତ ବହୁ ନାରୀ ଶିକ୍ଷିତା ଓ ରୋଜଗାରକ୍ଷମ ହୋଇପାରିଛନ୍ତି। ଘରର ଦାୟିତ୍ୱ ତୁଲାଇବା ସହିତ ବାହାରର ଦାୟିତ୍ୱ ମଧ୍ୟ ତୁଲାଇ ପାରୁଛନ୍ତି। କିନ୍ତୁ ଶିକ୍ଷାର ଅଭାବ, ବାଲ୍ୟ ବିବାହ ପ୍ରଥା, ଯୌତୁକ ପ୍ରଥା, କନ୍ୟାଭୃଣ ହତ୍ୟା ସାଙ୍ଗକୁ ସମାଜର ବିଭିନ୍ନ କଟକଣା ନାରୀକୁ ବହୁତ ପଛକୁ ଟାଣିନେଇଛି l ନାରୀମାନଙ୍କ ବିଭିନ୍ନ ମୌଳିକ ଅଧିକାର ସହ ଆଇନ୍ ସଂମ୍ବଳିତ ବହୁ ଦଣ୍ଡବିଧାନ ଉପରେ ମିଟୁ ସେନା ଆବାହକ ଶ୍ରୀ ନାୟକ ଆଲୋଚନା କରିଥିଲେ । ଉକ୍ତ କାର୍ଯ୍ୟକ୍ରମରେ ମହିଳା ୱିଙ୍ଗ ସଦସ୍ୟଙ୍କ ମଧ୍ୟରେ ଲକ୍ଷ୍ମୀ ପ୍ରଧାନ, ସତ୍ୟଭାମା ସାହୁ, ସପନା ସାହୁ, ଅଭାଗିନୀ ସାହୁ, ସୁରେଖା ସାହୁ, କନକ ଦାଶ, ଝିଲ୍ଲୀ ପ୍ରଧାନ, ରିତାଞ୍ଜଳୀ ପ୍ରଧାନ, ରୀନା ସାହୁ, ସୁଲତା ସାହୁ, ସହ ସଂଯୋଜକ ସଂଜିତ ଦଳବେହେରା ପ୍ରମୁଖ ଯୋଗ ଦେଇଥିଲେ l ଶେଷରେ ଆୟୋଜକ ନିକୁଞ୍ଜ ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l
