ବ୍ରହ୍ମପୁର,୧୨/୦୮/୨୦୨୪:
ଗୋଳନ୍ଥରା ପୁଲିସ ପକ୍ଷରୁ ଆଜି କନିଷି ହାଟ ସନ୍ନିକଟ ଲକ୍ଷ୍ମୀନୃସିଂହ ସାହିରେ ଗତ କିଛି ମାସ ଧରି ଚାଲିଥିବା ଏକ ଜୁଆ ଆଡ୍ଡା କୁ ଠାବ କରିବାରେ ସକ୍ଷମ ହୋଇଛି।ଜୁଆ ଆଡ୍ଡା ରୁ ପୁଲିସ ୮ ଜୁଆଡି ଙ୍କୁ ଗିରଫ କରିବା ସହ ୩୬ ହଜାର ୮୦୦ ଟଙ୍କା ଜବତ ସହ ୯ ଟି ମୋବାଇଲ ଓ ତାସ ଜବତ କରିଛି।ଗିରଫ ବ୍ୟକ୍ତି ମାନେ ହେଲେ କେ. ନୂଆଗାଁ ପଞ୍ଚାୟତ କୃଷ୍ଣପୁର ଗ୍ରାମର ସୁରେନ୍ଦ୍ର ନାଥ ବେହେରା,ଚିକିଟପେଣ୍ଠ ର ଭୀମସେନ ବେହେରା, ବ୍ରହ୍ମପୁର ନିରାକରଣ ନଗର ର ଗୋପିନାଥ ପ୍ରଧାନ ଓ ପିତବାସ ସାହୁ,ବେନ୍ଧାଳିଆ ଗ୍ରାମର ବିଭୂତି ଭୂଷଣ ପାଢ଼ୀ ଏବଂ ସିମାଞ୍ଚଳ ପ୍ରଧାନ,କନିଷି ର କୃଷ୍ଣ ଚନ୍ଦ୍ର ପାଣିଗ୍ରାହୀ ,କେ ନୂଆଗାଁ ର ରତନା ବେହେରା ପ୍ରମୁଖ ରହିଥିବା ଆଇଆଇସି ବିବେକାନନ୍ଦ ସ୍ବାଇଁ ସୂଚନା ଦେଇଛନ୍ତି।ସବୁ ଠାରୁ ଆଶ୍ଚର୍ଯ୍ୟ ର କଥା ଏହି ଯେ,ଏହି ଜୁଆ ଆଡାରେ ପାତ୍ରପୁର ବ୍ଲକ ଖରଣୀପଡ଼ା ଗୋପୀନାଥ ବିଦ୍ୟପୀଠର ଜଣେ ଶିକ୍ଷକ ଜୁଆ ଖେଳି ଗିରଫ ହେବା ବିଷୟ ଅଞ୍ଚଳ ବାସୀଙ୍କୁ ଚକିତ କରିଛି।
