ବୁଗୁଡା ୧୬/୮/୨୪ ବୁଗୁଡା ପିପୁଲସ କଲେଜର ରାଷ୍ଟ୍ରୀୟ ସେବା ଯୋଜନା( ଏନଏସଏସ ) ୟୁନିଟ – ୧ ଓ ୨ ପକ୍ଷରୁ ଫାଇଲେରିଆ ନିବାରଣ ସଚେତନତା କାର୍ଯ୍ୟକ୍ରମ ଅଗଷ୍ଟ ୧୬ ତାରିଖ ଦିନ ଅନୁଷ୍ଠିତ ହୋଇଯାଇଛି। କଲେଜର ପ୍ରିନ୍ସପାଲ ହରିକୃଷ୍ଣ ନାୟକ ଏହି ସଚେତନତା କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ । ପ୍ରିନ୍ସପାଲ ଶ୍ରୀ ନାୟକ ନିଜ ବକ୍ତବ୍ୟରେ ସମସ୍ତେ ସଚେତନ ରହିଲେ ଫାଇଲେରିଆ ରୋଗ ଠାରୁ ମୁକ୍ତି ମିଳିବ ବୋଲି ଉଭୟ ୟୁନିଟର ସ୍ବେଛାସେବୀମାନଙ୍କୁ ପରାମର୍ଶ ଦେଇଥିଲେ। ଏନଏସଏସ ୟୁନିଟ – ୧ ର ପ୍ରୋଗ୍ରାମ ଅଫିସର ଅଧ୍ୟାପକ ରବୀନ୍ଦ୍ର ନାଥ ପୋଲାଈ ଏହି କାର୍ଯ୍ୟକ୍ରମ ସମ୍ପର୍କରେ ସୂଚନା ପ୍ରଦାନ କରିଥିବା ବେଳେ ୟୁନିଟ – ୨ ର ପ୍ରୋଗ୍ରାମ ଅଫିସର ଅଧ୍ୟାପିକା ସସ୍ମିତା ସାମନ୍ତରା ରୋଗର ପ୍ରତିଷେଧକ ଓ ସଚେତନତା ବିଷୟରେ ପ୍ରକାଶ କରିଥିଲେ। ଶେଷରେ ସ୍ୱେଚ୍ଛାସେବୀ ଛାତ୍ରୀ ଇପ୍ସିତା ଧନ୍ୟବାଦ ପ୍ରଦାନ କରିଥିଲେ।
