ବୁଗୁଡ଼ା , ୧୭/୦୮/୨୪ : ବୁଗୁଡ଼ା ବ୍ଲକ ଅନ୍ତର୍ଗତ କରସିଙ୍ଗ ଗ୍ରାମ ପଞ୍ଚାୟତର ବରଡାସାହି, ମାଣିତରା ପଞ୍ଚାୟତର ସାପୁଆପଲ୍ଲୀ ଓ କରଚୁଲି ପଞ୍ଚାୟତର ସିଙ୍ଗିପୁର ଗ୍ରାମର ତଫସୀଲଭୁକ୍ତ ଜାତି ଓ ତଫସୀଲଭୁକ୍ତ ଜନଜାତିର ୭୫ ଜଣ ପ୍ରଶିକ୍ଷଣାର୍ଥୀମାନଙ୍କ ପାଇଁ ଦୁଇ ଦିନିଆ ତାଲିମ ଶିବିର ବୁଗୁଡା ସ୍ଵେଚ୍ଛାସେବୀ ଅନୁଷ୍ଠାନ “ଇଣ୍ଡିଆ” ପକ୍ଷରୁ ବରଡ଼ାସାହି ଗ୍ରାମରେ ଆୟୋଜନ କରାଯାଇଅଛି। ଉକ୍ତ ତାଲିମ ଶିବିରରେ ବୁଗୁଡ଼ା ବ୍ଲକର ପ୍ରାଣୀଧନ ଚିକିତ୍ସକା ଡାକ୍ତର ପିଙ୍କି ସାହୁ ସାଧନ କର୍ମୀ ଭାବେ ଯୋଗଦେଇ ଘରର ଅଗଣାରେ କଡ୍ଡକନାଥ କୁକୁଡ଼ା ପାଳନ ପାଇଁ ଆବଶ୍ୟକ ଜ୍ଞାନ ଓ କୌଶଳ ତାଲିମ ପ୍ରଦାନ କରିଥିଲେ। ଏହି ତାଲିମ ଶିବିରକୁ ଇଣ୍ଡିଆ ସେବା ସଂସ୍ଥା ର ନିର୍ଦ୍ଦେଶକ ଡକ୍ଟର କୁମୁଦ ଚନ୍ଦ୍ର ବେହେରା ପରିଚାଳନା କରିଥିଲେ। ଇଣ୍ଡିଆ ସଙ୍ଗଠନର କର୍ମୀ ଚିନ୍ତାମଣି ଗୌଡ଼, ପ୍ରଦୀପ କୁମାର ପାଢ଼ୀ, ତରୁଣ କୁମାର ସେଠୀ ଓ ରଶ୍ମିତା ବେହେରା ସହଯୋଗ କରିଥିଲେ । ଏହି ତାଲିମ ଶିବିର ସୀଡସ ଓ ଇଣ୍ଡିଆ ଅନୁଷ୍ଠାନର ମିଳିତ ସହଯୋଗ ରେ ଆୟୋଜିତ ହେଉଅଛି।
