ବୁଗୁଡା , ୨୮/୮/୨୪ : ଗଞ୍ଜାମ ଜିଲ୍ଲାର ବୁଗୁଡା ବ୍ଲକ ଅନ୍ତର୍ଗତ ମାଣିତରା ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳରେ ନବାଗତ ଯୁବ ରେଡକ୍ରସ ସ୍ବେଛାସେବୀମାନଙ୍କୁ ସ୍କୁଲ ପରିସରରେ ଅଗଷ୍ଟ ୨୮ ତାରିଖ ଦିନ ତାଲିମ ପ୍ରଦାନ କରାଯାଇଛି l ଶିକ୍ଷାନୁଷ୍ଠାନର ପ୍ରିନ୍ସପାଲ ଅନୁପ କୁମାର ପଣ୍ଡା ରେଡ କ୍ରସ ପତାକା ଉତ୍ତୋଳନ କଲାପରେ ସ୍ବେଛାସେବୀ ମାନଙ୍କୁ ରେଡ କ୍ରସ ର ଶପଥ ପାଠ କରାଯାଇଥିଲା। ଯୁବ ରେଡ କ୍ରସ ପରାମର୍ଶ ଦାତା ଅଧ୍ୟାପକ ଦିଲ୍ଲୀପ କୁମାର ଆଚାର୍ଯ୍ୟ ସ୍ବେଛାସେବୀମାନଙ୍କୁ ରେଡ କ୍ରସ ର ଇତିହାସ, ମୌଳିକ ନିତି, ଚି଼ହ୍ନ ତଥା ଏହା କିପରି ଶିକ୍ଷାନୁଷ୍ଠାନରେ କାର୍ଯ୍ୟ କରେ ଓ ସେବାବ୍ରତୀ ବୃନ୍ଦଙ୍କୁ ସେବା କାର୍ଯରେ ନିୟୋଜିତ କରାଇଥାଏ ସେହି ସମ୍ପର୍କରେ ତଥ୍ୟ ପ୍ରଦାନ କରିଥିଲେ l ଅତିଥି ଭାବେ ଗ୍ରନ୍ଥାଗାର ରକ୍ଷକ ଅର୍ଚନା ମୁନି ଯୋଗଦେଇଥିବା ବେଳେ ଏଜୁକେସନ ଡେମୋନଷ୍ଟ୍ରେଟର ସଂଯୁକ୍ତା ପାତ୍ର ଧନ୍ୟବାଦ ଅର୍ପଣ କରିଥିଲେ। ପ୍ରାକ୍ତନ ଯୁବ ରେଡ କ୍ରସ ସ୍ବେଛାସେବୀ ଅଲେଖ ବାରିକ ସ୍ବେଛାସେବୀ ମାନଙ୍କୁ ରେଡ କ୍ରସ ର ପ୍ଲାଟଫର୍ମ ରେ ସେବା କରିବାକୁ ଏକ ଆଶୀର୍ବାଦ ବୋଲି ପ୍ରକାଶ କହିଥିଲେ l
