ବ୍ରହ୍ମପୁର,୦୪/୧୧/୨୦୨୪:ବୃନ୍ଦାବନ ନାୟକ ଫାଉଣ୍ଡେସନ ଟ୍ରଷ୍ଟର ସମସ୍ତ ସଭ୍ୟ ହିଲପାଟଣା ସ୍ଥିତ ବୃନ୍ଦାବନ ନାୟକଙ୍କ ବାସଭବନରେ ପରିବାରର ସମସ୍ତ ସଦସ୍ୟ ପୂର୍ବତନ ହିଞ୍ଜିଳି ବିଧାୟକ ଉଦୟନାଥ ନାୟକ,ନାତି, ନାତୁଣୀ,ପଣିନାତି ଓମ୍ , ଅନିଶ,ପୁତ୍ରବଧୂଙ୍କ ଗହଣ ରେ ପୁଷ୍ପ ମାଲ୍ୟାର୍ପଣ ଏବଂ ମିଷ୍ଟାନ ବଣ୍ଟନ କରାଯାଇଥିଲା। ଅପରାହ୍ନରେ କୁକୁଡାଖଣ୍ଡି ବ୍ଲକ ବାଘଲଟି ନିକଟସ୍ଥ ବାଥଏସ୍ଡା ବାଳା ଆଶ୍ରମଠାରେ କର୍ମବୀର ସ୍ବର୍ଗତ ବୃନ୍ଦାବନ ନାୟକଙ୍କ ୧୧୪ ତମ ଜନ୍ମ ମହୋତ୍ସବ ପାଳନ ହୋଇଥିଲା। ସେଠାକାର ୧୨୦ ଜଣ ରହିଥିବା ଅନ୍ତେବାସୀ ତଥା କୁନି କୁନି ଛାତ୍ର ଛାତ୍ରୀ ମାନଙ୍କ ଉନ୍ନତ ମାନର ଶିକ୍ଷା ନିମନ୍ତେ ଉକ୍ତ ବାଳାଶ୍ରମକୁ ବୃନ୍ଦାବନ ନାୟକ ଫାଉଣ୍ଡେ ସନ ଟ୍ରଷ୍ଟର ସଭାପତି ତଥା ପୂର୍ବତନ ବିଧାୟକ ଉଦୟନାଥ ନାୟକ ଅନୁଷ୍ଠାନକୁ ଚୌକି, ବେଞ୍ଚ ପ୍ରଦାନ କରିଥିଲେ। ଟ୍ରଷ୍ଟର ସମସ୍ତ ସଦସ୍ୟଙ୍କ ଉପସ୍ଥିତରେ ଛାତ୍ର, ଛାତ୍ରୀ ମାନଙ୍କୁ ସୁସ୍ୱାଦୁ ଖାଦ୍ୟ ବଣ୍ଟନ କରାଯାଇ ସେମାନଙ୍କ ଉଜ୍ୱଳ ଭବିଷ୍ୟତ କାମନା କରାଯାଇଥିଲା l ଉକ୍ତ ମହାନ କାର୍ଯ୍ୟକ୍ରମରେ ବିବେକାନନ୍ଦ ଲ୍ୟାଣ୍ଡ ଆଣ୍ଡ ବିଲଡିଂ ଡେଭଲପର ର ନିର୍ଦେଶକ ବିଚିତ୍ର ପଟନାୟକ, ଆକାଶ ଦାସ, ଚିନ୍ମୟ ରଥ, କେଶବ ପଣ୍ଡା, ଟୁଟୁ ନାୟକ, କାଳିଆ ଗୌଡ଼ ସହ ବହୁ ମାନ୍ୟଗଣ ବ୍ୟକ୍ତି ସହଯୋଗ କରିଥିଲେ।ଶେଷରେ ଟ୍ରଷ୍ଟର ସେକ୍ରେଟାରୀ ଗଣେଶ ନାୟକ ଭବିଷ୍ୟତରେ ଆଶ୍ରମର ପିଲାମାନଙ୍କ ଉନ୍ନତି ପାଇଁ ସହଯୋଗ କରିବାସହିତ କାର୍ଯ୍ୟକ୍ରମରେ ସହଯୋଗ କରିଥିବା ସମସ୍ତ ମାନ୍ୟଗଣ୍ୟଙ୍କୁ ଧନ୍ୟବାଦ ଅର୍ପଣ କରିଥିଲେ।ସ୍ବର୍ଗତ ବୃନ୍ଦାବନ ନାୟକଙ୍କ ସ୍ଲୋଗାନ
“କର୍ମବୀର ହୁଅ ବାକ୍ୟବୀର ନୁହଁ” ସମସ୍ତଙ୍କୁ ଗ୍ରହଣୀୟ ହୋଇଥିଲା।
