ବ୍ରହ୍ମପୁର,୦୫/୧୧/୨୦୨୪:ସ୍ଥାନୀୟସେଣ୍ଟ ଜାଭିୟର୍ସ ହାଇସ୍କୁଲ ତରଫରୁ ଲିଡ୍ସ ସ୍ପୋଟିଙ୍ଗ କ୍ଲବ୍ ସହଯୋଗରେ ବ୍ରହ୍ମପୁର ମହାତ୍ମାଗାନ୍ଧି ଷ୍ଟାଡିୟମ୍ ପରିସରରେ ଶୁକ୍ରବାର ଠାରୁ ୧୬ବର୍ଷରୁ କମ୍ ବାଳକମାନଙ୍କୁ ନେଇ ଆୟୋଜିତ ଇଣ୍ଟର୍ ସ୍କୁଲ କ୍ରିକେଟ ଟୁର୍ଣ୍ଣାମେଣ୍ଟ କୌଶିକ ଟ୍ରଫି ଉଦ୍ଯାପିତ ହୋଇଯାଇଛି । ଏହି ଅବସରରେ ଆୟୋଜିତ ପୁରସ୍କାର ବିଚରଣୀ କାର୍ଯ୍ୟକ୍ରମରେ ମୁଖ୍ୟ ଅତିଥିରୂପେ ବ୍ରହ୍ମପୁର ବିଧାୟକ କେ.ଅନୀଲ କୁମାର ଯୋଗ ଦେଇ ରନର୍ସ ଅପ୍ ଓ ଚମ୍ପିଆନ୍ ଦଳ ସମେତ ଅନ୍ୟାନ୍ୟ ସଫଳ କ୍ରିକେଟ୍ ଖେଳାଳୀ ମାନଙ୍କୁ ପୁରସ୍କୃତ କରିଥିଲେ । ଏହି କ୍ରିକେଟ୍ ମ୍ୟାଚରେ ଡିଏଭି ପବ୍ଲିକ ସ୍କୁଲ ଚମ୍ପିଆନ୍ ହୋଇଥିବାରେଳେ କେ.ସି.ପବ୍ଲିକ ସ୍କୁଲ ରନର୍ସ ଅପ ଦଳ ଭାବରେ ପୁରସ୍କୃତ ହୋଇଥିଲେ। ଚାମ୍ପିଅନ ଦଳକୁ ୧୫ହଜାର ଓ ରନର୍ସ ଅପ୍ ଦଳକୁ ୧୦ହଜାର ଟଙ୍କାର ଚେକ ସହ ଟ୍ରଫି ପ୍ରଦାନ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ବିଜେପି ନେତା ସିଦ୍ଧାର୍ଥ ଗଙ୍ଗଦେବ, କ୍ରୀଡ଼ା ଶିକ୍ଷକ ବିନାୟକ ହୋତା, ପ୍ରଣୟ ମହାପାତ୍ର, ନିବେଦିତା ପାଢ଼ୀ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ। ସ୍କୁଲର ସହ ନିର୍ଦେଶକ ଇଂ କୁନାଲ କୌଶିକ ପଣ୍ଡା, କୌଶିକ ଟ୍ରଷ୍ଟ ସମ୍ପାଦକ ଙ୍କ ରାହୁର ରାଜ୍ ପଣ୍ଡା, ବିଘ୍ନେଶ୍ ପାତ୍ର, ସନ୍ଦିପ ମୂର୍ତ୍ତି, ଦିବ୍ୟାଂସୁ ମହାପାତ୍ର, ସତ୍ୟବ୍ରତ ସାହୁ, ଭବାନୀ ମହାନ୍ତି, ପ୍ରତାପ ପଣ୍ଡା, ଜୋନାଲ ଏକାଡେମୀକ୍ ଅଫିସର ବିନାୟକ ସାହୁ, ଅଧ୍ୟକ୍ଷ କେ. ସି .ପଣ୍ଡା ପ୍ରମୁଖ ଏହି ଅବସରରେ ଉପସ୍ଥିତ ଥିଲେ । ଗାଇଡ୍ ଶିକ୍ଷୟିତ୍ରୀ ରଶ୍ମିତା ଦଳେଇ କାର୍ଯ୍ୟକ୍ରମରେ ସଂଯୋଜନା କରିଥିଲେ।
