ବୁଗୁଡା ,୧୦/୧୧/୨୪ ବୁଗୁଡା ବ୍ଳକର ବାଲିପଦର ନିକଟସ୍ଥ ଡେହୁକା ଗ୍ରାମରେ ମହାପୁରୁଷ ଶ୍ରୀ ଗୁରୁ ପୂର୍ଣ୍ଣାନନ୍ଦଙ୍କ ସତସଙ୍ଗ ସମାରୋହ ଶତାଧିକ ଶ୍ରଦ୍ଧାଳୁଙ୍କ ଉପସ୍ଥିତିରେ ସମାପନ ହୋଇଯାଇଛି। ଏହି ସତସଙ୍ଗ ଅବସରରେ ଶରୀର ତତ୍ତ୍ବ ସମ୍ବଳିତ ଆଧ୍ଯାତ୍ମିକ ପ୍ରବଚନ କାର୍ଯ୍ୟକ୍ରମ ସନ୍ତୋଷ କୁମାର ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା।ଅ ବିଭିନ୍ନ ବକ୍ତା ଗୁରୁ ପୂର୍ଣ୍ଣାନନ୍ଦଙ୍କ ଦର୍ଶନର ବିଶଦ ବିବରଣ କରିଥିଲେ। ପୁରୀରୁ ଆସିଥିବା ପ୍ରବଚନ ପ୍ରଦାନକାରୀ ଅମର ଦାସ, ଝିଲ୍ଲୀ ପଣ୍ଡା, ରବିନ୍ଦ୍ର ଦାସ, ରାମ ଚନ୍ଦ୍ର ଆଚାର୍ଯ୍ୟ, ଗୋପାଳ ବେହରା,
ଜାନକୀ ସାହୁ, ତମାଳ ବିଷୋୟୀ, ରାମଚନ୍ଦ୍ର ପାତ୍ର ପ୍ରମୁଖ ପ୍ରବଚନ ପ୍ରଦାନ କରିଥିଲେ। କାର୍ଯ୍ୟକ୍ରମ ପ୍ରାରମ୍ଭରେ କଳମ୍ବ ସରପଞ୍ଚ ପ୍ରଦୀପ କୁମାର ଜେନା, ସମିତି ସଭ୍ଯ ସୁଶାନ୍ତ କୁମାର ସେଠୀ, ଆଞ୍ଚଳିକ ବିଜ୍ଞାନ ଉଚ୍ଚ ମାଧ୍ଯମିକ ବିଦ୍ୟାଳୟର ପ୍ରାକ୍ତନ ଅଧ୍ଯକ୍ଷ ଡକ୍ଟର ବି.ପ୍ରକାଶ ଚନ୍ଦ୍ର ପାତ୍ର, ଶିକ୍ଷକ ସଞ୍ଜୟ କୁମାର ନାୟକ, ସନ୍ତୋଷ କୁମାର ସେଠୀ ପ୍ରମୁଖ ଅତିଥି ଭାବେ ଯୋଗଦେଇ ଥିବାବେଳେ ମହେନ୍ଦ୍ର ମହାନ୍ତି, ସୁଶାନ୍ତ ସେଠୀ କାର୍ଯ୍ୟକ୍ରମ ପରିଚାଳନା କରିଥିଲେ। ଡେହୁକା ଗ୍ରାମର ପୂର୍ଣ୍ଣାନନ୍ଦ ସେବା ସଂସ୍ଥା ଓ ଗ୍ରାମବାସୀ ବୃନ୍ଦ ସହୋଯୋଗ କରିଥିଲେ।
