ବୁଗୁଡା , ୨୧/୧୧/୨୪ : ଗଞ୍ଜାମ ଜିଲ୍ଲା ଅନ୍ତର୍ଗତ ବୁଗୁଡା ପିପୁଲସ କଲେଜରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଦୁଇ ଦିନିଆ ମହିଳା କବାଡି ପ୍ରତିଯୋଗିତା ନଭେମ୍ବର ୨୧ ତାରିଖ ଦିନ ଆରମ୍ଭ ହୋଇଯାଇଛି। ଏହି ମହିଳା କବାଡ଼ି ପ୍ରତିଯୋଗିତାରେ କ୍ରୀଡା ପତାକାକୁ କଲେଜର ପ୍ରିନ୍ସପାଲ ପ୍ରଫେସର ହରିକୃଷ୍ଣ ନାୟକ ଉତ୍ତୋଳନ କରି ପ୍ରତିଯୋଗିତାକୁ ଉଦଘାଟନ କରିଥିଲେ। ଅନୁଷ୍ଠିତ ମହିଳା କବାଡ଼ି ପ୍ରତିଯୋଗିତାରେ ୨୦ରୁ ଉର୍ଦ୍ଧ କଲେଜର ମହିଳା କବାଡ଼ି ଟିମ ଅଂଶ ଗ୍ରହଣ କରିଛନ୍ତି। ଏହି ମହିଳା କବାଡ଼ି ପ୍ରତିଯୋଗିତା ଦୁଇଦିନ ଧରି ଅନୁଷ୍ଠିତ ହୋଇଥିଲା। ଫାଇନାଲ କବାଡ଼ି ପ୍ରତିଯୋଗିତା ବାଲିପଦର ଅହଲ୍ୟା ଦେବୀ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟର କବାଡ଼ି ଟିମ ଓ ବୁଗୁଡା ପିପୁଲସ କଲେଜ ଉଚ୍ଚ ମାଧ୍ୟମିକ ବିଦ୍ୟାଳୟ ବିଭାଗ ମହିଳା କବାଡ଼ି ଟିମ ମଧ୍ୟରେ ଅନୁଷ୍ଠିତ ହୋଇଥିଲା। ଫାଇନାଲ ମ୍ୟାଚରେ ଅହଲ୍ୟା ଦେବୀ ମହିଳା ଉଚ୍ଚ ମାଧ୍ୟମିକ ଟିମ ବିଜୟୀ ହୋଇଥିଲା। ଏକ ଉତ୍ସବରେ କଲେଜ ପ୍ରିନ୍ସପାଲ ପ୍ରଫେସର ଶ୍ରୀ ନାୟକ ଓ ପରିଚାଳନା ପରିଷଦ ସଭାପତି ରଜନୀକାନ୍ତ ଭଟ୍ଟ ବାଲିପଦର ଟିମକୁ ୱିନର କପ ଓ ବୁଗୁଡା ଟିମକୁ ରନର୍ସ କପ ପ୍ରଦାନ କରିଥିଲେ। ବିଜୟୀ ଚମ୍ପିୟାନ ଟିମକୁ ନିଜ ଶିକ୍ଷାନୁଷ୍ଠାନ ବାଲିପଦର ଅହଲ୍ୟା ଦେବୀ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ବିପୁଳ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।
