ବ୍ରହ୍ମପୁର,୨୬।୧୧: ବ୍ରହ୍ମପୁର ପୁଲିସ ଜିଲାର ହାବିଲଦାର ଓ କନଷ୍ଟେବଳ ସଂଘ ପକ୍ଷରୁ ମଙ୍ଗଳବାର ସନ୍ଧ୍ୟାରେ ବିଜୟ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ବ୍ରହ୍ମପୁର ପୁଲିସ ଜିଲାରେ କାର୍ଯ୍ୟରତ ହାବିଲଦାର ଗୌରୀ ମିଶ୍ର ରାଜ୍ୟ ହାବିଲଦାର, ସିପାହୀ ଓ କନଷ୍ଟେବଳ ସଂଘର କୋଷାଧ୍ୟକ୍ଷ ଭାବେ ନିର୍ବାଚିତ ହୋଇଥିବାରୁ ସହକର୍ମୀଙ୍କ ମଧ୍ୟରେ ଉତ୍ସାହ ଦେଖାଦେଇଛି। ସେହି କ୍ରମରେ ଆଜି ବ୍ରହ୍ମପୁରରେ ଏକ ବାଇକ ଶୋଭାଯାତ୍ରା ହୋଇଥିଲା। ଆମ୍ବପୁଆ ରିଜର୍ଭ ପୁଲିସ କାର୍ଯ୍ୟାଳୟ ନିକଟରୁ ବାହାରିଥିବା ଏହି ଶୋଭାଯାତ୍ରା ସହର ପରିକ୍ରମା କରିବା ପୁରୁଣା ବସଷ୍ଟାଣ୍ଡ ଯାଏଁ ଯାଇଥିଲା। ଏଥିରେ ରାଜ୍ୟ ସଂଘର ସଭାପତି ଅନୀଲ କୁମାର ଷଣ୍ଢ, ସମ୍ପାଦକ କିଶୋର କୁମାର ମହାନ୍ତି, ଉପସଭାପତି ସନ୍ତୋଷ କୁମାର ମହାନ୍ତି, ସହ ସମ୍ପାଦକ ମାନସକୁମାର ବାରିକ ଓ ମହେନ୍ଦ୍ର କୁମାର ଗୌଡ, ସାଂଗଠନିକ ସମ୍ପାଦକ ସରୋଜ କୁମାର ମିଶ୍ର ସମେତ ବ୍ରହ୍ମପୁର ଜିଲା ସଂଘର ସଭାପତି ନୟନ ରଞ୍ଜନ ଆଚାର୍ଯ୍ୟ ଓ ସମ୍ପାଦକ ପ୍ରଶାନ୍ତ ମହାରଥା, ଉପସଭାପତି ଶ୍ରୀକାନ୍ତ ପଣ୍ଡା, ସହସମ୍ପାଦକ ଘନଶ୍ୟାମ ବେହେରା, କୁନାଲ ମଲ୍ଲିକ, କୋଷାଧ୍ୟକ୍ଷ ଏ ଶ୍ରୀନିବାସ ପାତ୍ର, କାର୍ଯ୍ୟକାରୀ ସଦସ୍ୟ ସୁନନ୍ଦ କୁମାର ପଣ୍ଡା, ଶରତ ଚନ୍ଦ୍ର ପ୍ରଧାନ, ମାମା ମହାନ୍ତି, ଉତ୍ସବ କୁମାର ପାଣିଗ୍ରାହୀ, ବସୁମତି ଭୂୟାଁ ପ୍ରମୂଖ ସାମିଲ ଥିଲେ।ପୁରୁଣା ବସଷ୍ଟାଣ୍ଡ ସ୍ଥିତ ଟ୍ରାଫିକ ଥାନା ନିକଟରେ ଆତସବାଜି ଫୁଟାଇ ବିଜୟ ଉତ୍ସବ ପାଳନ କରାଯାଇଥିଲା।ସେଠାରେ ପୋଲିସ ମହାସଂଘ ର ପୂର୍ବତନ ସଭାପତି ସନ୍ତୋଷ କୁମାର ଶତପଥି ନବ ନିର୍ବାଚିତ ମହାସଂଘ କାର୍ଯ୍ୟକର୍ତ୍ତା ସ୍ବାଗତ କରି ସମ୍ବର୍ଦ୍ଧିତ କରିଥିଲେ। ତେବେ ରାଜ୍ୟ ସଂଘ କୋଷାଧ୍ୟକ୍ଷ ହେବା ପରେ ଗୌରୀ ମିଶ୍ର ବ୍ରହ୍ମପୁର ଏସପି ଡା. ସର୍ବଣା ବିବେକ ଏମଙ୍କୁ ଭେଟି ହାବିଲଦାର ଓ କନଷ୍ଟେବଳଙ୍କ ବିଭିନ୍ନ ସୁବିଧା ସୁଯୋଗ ବିଷୟରେ ଆଲୋଚନା କରିଥିଲେ । ଏହି ବାଇକ ଶୋଭାଯାତ୍ରାରେ ଜଗନ୍ନାଥ ସାହୁ, ପିଙ୍କୁ ସାହୁ, ସୀମା ମହାରଣା, କୃଷ୍ଣ ଶବର, ମୁକେଶ ବେହେରା, ରଶ୍ମି ରଞ୍ଜନ ଦାଶ, କୈଳାସ ଦଳାଇ, ଗଙ୍ଗାଧର ଭୂୟାଁ ଙ୍କ ସମେତ ବହୁ ହାବିଲଦାର ଓ କନେଷ୍ଟବଳ ଯୋଗ ଦେଇଥିଲେ ।
