ବୁଗୁଡା, ୨୨/୧୧/୨୪ : ଗଞ୍ଜାମ ଜିଲ୍ଲା ଅନ୍ତର୍ଗତ ବୁଗୁଡା ପିପୁଲସ କଲେଜର ଗଣିତ ବିଭାଗ ପକ୍ଷରୁ ଡିସେମ୍ବର ୨୨ ତାରିଖ ଦିନ ନବାଗତ ଛାତ୍ରଛାତ୍ରୀଙ୍କୁ ସ୍ୱାଗତ କରିବା ସହ ପ୍ରବେଶ ଉତ୍ସବ କଲେଜର କମ୍ପ୍ୟୁଟର ଲାବରେ ଅନୁଷ୍ଠିତ ହୋଇଯାଇଛି। କଲେଜର ପ୍ରିନ୍ସପାଲ ତଥା ଗଣିତ ବିଭାଗ ମୁଖ୍ୟ ପ୍ରଫେସର ହରିକୃଷ୍ଣ ନାୟକ ଏହି କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ। ଅତିଥି ଭାବେ ଆଇକିୟୁଏସି ସଂଯୋଜକ ଅକ୍ଷୟ କୁମାର ସାହୁ, ଆଡମିନିଷ୍ଟ୍ରିଟିଭ ବରସର ଡକ୍ଟର ପ୍ରଦୀପ କୁମାର ଦାଶ ଓ ଏକାଡେମୀକ ବରସର ସୁଶାନ୍ତ କୁମାର ସାହୁ ଯୋଗ ଦେଇଥିଲେ। ଗଣିତ ବିଭାଗ ଅଧ୍ୟାପକ ଦିନେଶ କୁମାର ଚୌଧୁରୀ ସ୍ୱାଗତ ଭାଷଣ ସହ ଅତିଥି ପରିଚୟ ପ୍ରଦାନ କରିଥିଲେ। ପ୍ରଥମ ବର୍ଷର ଛାତ୍ରଛାତ୍ରୀଙ୍କୁ ଦ୍ଵିତୀୟ ଓ ତୃତୀୟ ବର୍ଷ ଛାତ୍ରଛାତ୍ରୀ ବୃନ୍ଦ ସ୍ୱାଗତ କରିବା ସହ ଭାବର ଆଦାନ ପ୍ରଦାନ ଅନୁଷ୍ଠିତ ହୋଇଥିଲା। ଅତିଥି ବୃନ୍ଦ ପ୍ରଥମ ବର୍ଷର ଛାତ୍ରଛାତ୍ରୀଙ୍କୁ ସ୍ୱାଗତ କରିବା ସହ କଲେଜର ନିୟମାବଳୀ ବିଷୟରେ ଓ ନୂତନ ଶିକ୍ଷାନୀତି ବିଷୟରେ ବିଶଦ ଭାବେ ବୁଝାଇଥିଲେ। ତୃତୀୟ ବର୍ଷ ଛାତ୍ର ଶ୍ୟାମ ସୁନ୍ଦର ପ୍ରଧାନ ପ୍ରାରମ୍ଭିକ ସଙ୍ଗୀତ ଗାନ କରିଥିବା ବେଳେ ଗଣିତ ବିଭାଗ ଅଧ୍ୟାପିକା ନିଲି ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ।
