ବ୍ରହ୍ମପୁର, ୦୫/୦୧/୨୦୨୫:ସ୍ଥାନୀୟ ହିଲପାଟଣା ସ୍ଥିତ ଏମ ଏ ଭି ସ୍କୁଲର ଆଜି ସ୍କୁଲ ପରିସରରେ ୫୧ତମ ବାର୍ଷିକ ଉତ୍ସବ ପାଳିତ କାରାଯାଇଛି। ଏହି ଉତ୍ସବକୁ ମୁଖ୍ୟ ଅତିଥି ଭାବେ ବ୍ରାହ୍ମପୁର ର ମେୟର ସଂଘମିତ୍ରା ଦଳାଇ ଏବଂ ସମ୍ମାନିତ ଅତିଥି ରୂପେ ମହାନଗର ନିଗମ କମିଶନର ଶ୍ରୀ ଭବାନୀ ପ୍ରାସାଦ ମିଶ୍ର, ମୁଖ୍ୟ ବକ୍ତା ଭାବେ ଅବସରପ୍ରାପ୍ତ ପ୍ରଫେସର ଡାଃ. ଇ .ରୋଜା ରାଓ, କାର୍ଯ୍ୟକାରୀ ସଭାପତି ପ୍ରକାଶ ପଣ୍ଡା, ସମ୍ପାଦକ କୁମୁଦ ରଞ୍ଜନ ପାଢ଼ୀ, ସ୍କୁଲର ଅଧ୍ୟକ୍ଷ ଦ୍ୱାରିକା ନାଥ ପଣ୍ଡା ଉପସ୍ଥିତ ରହି ଦୀପ ପ୍ରଜ୍ବଳନ କରି ଶୁଭାରମ୍ଭ କରିଥିଲେ। ଏହି ଉତ୍ସବ ରେ ସ୍କୁଲ ର ଛାତ୍ର ଛାତ୍ରୀ ମାନଙ୍କ ଦ୍ୱାରା ରଙ୍ଗା ରଙ୍ଗ କାର୍ଯ୍ୟକ୍ରମ ଓଡ଼ିଶୀ, ରାଜସ୍ଥାନୀ, ସମ୍ବଲପୁରୀ, ହିନ୍ଦୀ, ଇଂଲିଶ ଡ୍ରାମା ଇତ୍ୟାଦି ପରିବେଷଣ କରି ଅବିଭାବକ ଏବଂ ଅତିଥି ମାନଙ୍କ ମନ୍ତ୍ର ମୁଗ୍ଧ କରିଥିଲେ। ଏହି ଉତ୍ସବରେ ବିଦ୍ୟାଳୟ ର ନର୍ସରୀ ରୁ ଦଶମ ଶ୍ରେଣୀ ପର୍ଯ୍ୟନ୍ତ ପ୍ରଥମ, ଦ୍ବିତୀୟ ସ୍ଥାନ ପାଇଥିବା ଛାତ୍ର ଛାତ୍ରୀ ମାନଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା। ଶ୍ରେଷ୍ଠ ଖେଳାଳି ଭାବେ ଶେଖର ଚୌଧୁରୀ ଓ ଶ୍ରେଷ୍ଠ ଅଲ୍ ରାଉଣ୍ଡେର ଭାବେ ଶିବଂଶୀ ପାଢ଼ିଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରା ଯାଇଥିଲା। ଚଳିତ ବର୍ଷ ଆଇସିଏସଇ ଦଶମ ଶ୍ରେଣୀର ୯୦% ରୁ ଅଧିକ ମାର୍କ ଆଣିଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା। ବିଦ୍ୟାଳୟ ର ଅଧ୍ୟକ୍ଷ ଶ୍ରୀ ଦ୍ୱାରିକା ନାଥ ପଣ୍ଡା ବାର୍ଷିକ ବିବରଣ ପାଠ କରିଥିଲେ। ଏହି ଉତ୍ସବକୁ ବିଦ୍ୟାଳୟ ର ବରିଷ୍ଠ ଶିକ୍ଷକ ଶ୍ରୀ ସୁରେଶ ଚନ୍ଦ୍ର ପାଢୀ, ଦିବ୍ୟ ସିଂହ ପଟ୍ଟନାୟକ, ପ୍ରଗତି ପଟ୍ଟନାୟକ, ନୀଳମାଧବ ରଥ, ଜୀତେନ୍ଦ୍ର ଦାସ ଙ୍କ ସହ ସମସ୍ତ ଶିକ୍ଷକ ଉପସ୍ଥିତ ରହି ପରିଚାଳନା କରିଥିଲେ।
