ବ୍ରହ୍ମପୁର,୨୯/୦୧/୨୦୨୫:
ସ୍ଥାନୀୟ ଗାନ୍ଧୀ ନଗର ସ୍ଥିତ ମହାମାୟୀ ମହିଳା ମହାବିଦ୍ୟାଳୟର ୨୧ ତମ ବାର୍ଷିକ କ୍ରୀଡ଼ା ଉତ୍ସବ କଲେଜ ଅଧ୍ୟକ୍ଷା ଡ଼. ନିବେଦିତା ମହାପାତ୍ରଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହେଇ ଯାଇଛି । ଏଥିରେ ମୁଖ୍ୟଅତିଥି ଭାବେ ଜିଲ୍ଲା ଇଣ୍ଟେଲିଜେଣ୍ଟସ୍ ବ୍ୟୁରୋ ଇନସ୍ପେକ୍ଟର ତିରୁପତି ବିଷୋୟୀ ଯୋଗ ଦେଇ କ୍ରୀଡ଼ା ଉତ୍ସବକୁ ଉଦଘାଟନ କରିବା ସହ ଛାତ୍ରୀ ମାନଙ୍କଠାରୁ ଅଭିବାଦନ ଗ୍ରହଣ କରିଥିଲେ । କ୍ରୀଡ଼ା ଅଧିକାରିଣୀ ତ଼ ମମତା କୁମାରୀ ପାଢ଼ୀ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି କ୍ରୀଡ଼ା ଉତ୍ସବ ୨ ଦିନ ଧରି ଚାଲିବ । ଏଥିରେ ଦୌଡ଼, ସଟଫୁଟ ଡିସକସ୍ ଜାଭେଲିନ୍ ଥ୍ରୋ, ଦଉଡ଼ି ଡିଆଁ, ଚେସ୍ , କ୍ୟାରମ୍ , ମ୍ୟୁଜିକାଲ ଚେୟାର ପ୍ରଭୃତି ପ୍ରତିଯୋଗିତା ଅନୁଷ୍ଠିତ ହେଉଛି। ଅଧ୍ୟାପିକା ଡ଼ ସ୍ଵର୍ଣ୍ଣଲତା ପଟ୍ଟନାୟକ, ସୁରଭି ଗଉଡ, ଶୁଭଶ୍ରୀ ତ୍ରିପାଠୀ ଏବଂ ଆକସ୍ମିତା ପ୍ରଧାନ ପ୍ରଭୃତି ଏହି କ୍ରୀଡ଼ା ଉତ୍ସବକୁ ପରିଚାଳନା କରିଥିଲେ ଏବଂ ବାଲିପଡ଼ା କଲେଜ ଖେଳ ଶିକ୍ଷକ ତିରୁପତି ବିଷୋୟୀ ସହଯୋଗ କରିଥିଲେ । ଶେଷରେ ଛାତ୍ରୀ ଅଙ୍କିତା ମହାଙ୍କୁଡ ଧନ୍ୟବାଦ ଅର୍ପଣ କରିଥିଲେ । ଏହି କ୍ରୀଡ଼ା ଉତ୍ସବକୁ ନେଇ ଛାତ୍ରୀ ମାନଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଛି ।
