ପୋଲସରା ୩୧/୦୧/୨୫ ସହିଦ୍ ଯବାନଙ୍କ ଦ୍ବାଦଶାହ ଦିବସ ଅବସରରେ ଏକ କ୍ଯାଣ୍ଡାଲ ଶୋଭାଯାତ୍ରା ପୋଲସରା ବ୍ଲକ ଅନ୍ତର୍ଗତ ଚିରିକିପଡା ଶାସନ ଗ୍ରାମରେ ଅନୁଷ୍ଠିତ ହୋଇଯାଇଛି। ଗତ ୧୮/୦୧/୨୫ ତାରିଖ ଶନିବାର ଦିନ ଭୁବନେଶ୍ବର ଓ ଖୋର୍ଦ୍ଧା ମଧ୍ୟରେ କାର୍ଯ୍ଯରତ ସମୟରେ ଏକ କାର ସିଆରପିଏଫ ଯବାନ ବାଲୁକେଶ୍ୱର ସାହୁଙ୍କୁ ଧକ୍କା ଦେବା ଫଳରେ ଗୁରୁତର ଆହତ ହୋଇ ଭୁବନେଶ୍ୱର ଏମ୍ସ ହସପିଟାଲରେ ଚିକିତ୍ସାଧୀନ ଅବସ୍ଥାରେ ସୋମବାର ୨୦/୦୧/୨୫ ତାରିଖରେ ମୃତ୍ୟୁ ଘଟିଥିଲା। ୩୦/୦୧/୨୫ ତାରିଖରେ ତାଙ୍କର ଦ୍ବାଦଶାହ ଦିବସ ଅନୁଷ୍ଠିତ ହୋଇଥିବା ବେଳେ ଗ୍ରାମର ଯୁବକମାନଙ୍କ ପକ୍ଷରୁ ଏକ କ୍ଯାଣ୍ଡାଲ ଶୋଭାଯାତ୍ରା ଗ୍ରାମର ଜଗନ୍ନାଥ ମନ୍ଦିର ଠାରୁ ଆରମ୍ଭ ହୋଇ ଦେଉଳ ସାହି, ଗୌଡ଼ ସାହି, ପୁରୁଣା ବସଷ୍ଟାଣ୍ଡ ଓ ରୋଡ଼ ସାହି ହୋଇ ତାଙ୍କ ବାସଭବନରେ ପହଞ୍ଚି ଦୁଇ ମିନିଟ ନିରବ ପ୍ରାର୍ଥନା କରିବା ସହିତ ତାଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜଣାଇ ଅମର ଆତ୍ମାର ସଦଗତି କାମନା କରିଥିଲେ। ପୁତ୍ର ଆରିୟନ ସାହୁ, ବଡ଼ ଭାଇ ଜୟରାମ ସାହୁ, ସାନ ଭାଇ ଚନ୍ଦ୍ରହାସ ସାହୁ, ଭଣଜା ଭୋବନା ନନ୍ଦ ସାହୁ , ଚିରିକିପଡା ଶାସନ ଗ୍ରାମର ନାରାୟଣ ସାହୁ, ସୂର୍ଯ୍ୟ ନାରାୟଣ ପାଢ଼ୀ, ରୋହିତ ପ୍ରଧାନ, ସମିର ବିଷୋୟୀ, ଶିବ ନାରାୟଣ ପ୍ରଧାନ, ରୋନିତ ପ୍ରଧାନ, ଦେବାଶିଷ ସାହୁ, ତୋଫାନ ସାହୁ, ନିଳାଞ୍ଚଳ ପ୍ରଧାନ,ପ୍ରତାପ ଜେନା, ଦେବେଶ ସାହୁ, ପ୍ରଶାନ୍ତ ପ୍ରଧାନ, ବେଣୁଧର ଗୌଡ଼ଙ୍କ ସମେତ କ୍ଯାଣ୍ଡାଲ ଶୋଭାଯାତ୍ରାରେ ଗ୍ରାମର ବହୁ ଯୁବକ ସାମିଲ ହୋଇଥିଲେ।
