ପୋଲସରା, ୨୬-୩-୨୬ : ଗଞ୍ଜାମ ଜିଲ୍ଲାର ପୋଲସରା ବାସିନ୍ଦା ତଥା ଭଞ୍ଜନଗର ଜଳସେଚନ ବିଭାଗ, ଡହ ଜଳସେଚନ ଉପ-ବିଭାଗର ଏସଡିଓ ଇଂ ପଞ୍ଚୁ ବେହେରାଙ୍କୁ ଡିଏ ଏଙ୍ଗେଲରେ ବ୍ରହ୍ମପୁର ଭିଜିଲାନ୍ସ ଦ୍ୱାରା ଜାରି କରାଯାଇଥିବା ସର୍ଚ୍ଚ ୱାରେଣ୍ଟ ବଳରେ ଓଡିଶା ଭିଜିଲାନ୍ସ ଦ୍ୱାରା ୩ ଜଣ ଡିଏସପି, ୭ ଜଣ ଇନ୍ସପେକ୍ଟର ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଗଞ୍ଜାମ ଜିଲ୍ଲାର ୫ ଟି ସ୍ଥାନରେ ଏକକାଳୀନ ଘର ତଲାସ କରାଯାଉଛି। ସେହି ୫ ଟି ସ୍ଥାନ ହେଲା, (୧) ବ୍ରହ୍ମପୁର ବସନ୍ତ ବିହାରରେ ଆବାସିକ ତିନି ମହଲା କୋଠା, (୨) ଭଞ୍ଜାନଗରରେ ସରକାରୀ କ୍ୱାର୍ଟର, (୩) ଭଞ୍ଜନଗରଅଫିସ୍ ଚାମ୍ବର, (୪) ପୋଲାସରା ସହରର ପୈତୃକ ଘର ଓ (୫) ବ୍ରହ୍ମପୁରର ବିମା ନଗରରେ ତାଙ୍କ ସମ୍ପର୍କୀୟଙ୍କ ଘର। ସିଭିଲ ଇଞ୍ଜିନିୟର ପଞ୍ଚୁ ବେହେରା, ୨୭-୦୯-୨୦୧୧ ରେ ମାସିକ ୯,୩୦୦/- ଟଙ୍କା ସମନ୍ୱିତ ପାରିଶ୍ରମିକ ସହିତ ସହକାରୀ ଯନ୍ତ୍ରୀ ଭାବରେ ସରକାରୀ ଚାକିରିରେ ଯୋଗ ଦେଇଥିଲେ। ସେ ପଞ୍ଚାୟତ ରାଜ ବିଭାଗରେ ନିଯୁକ୍ତ ପାଇ କଳାହାଣ୍ଡି ଜିଲ୍ଲାର କୋକସରା ବ୍ଲକରେ ୧୫.୧୦.୨୦୧୧ ରୁ ୧୯.୧୧.୨୦୧୫ ପର୍ଯ୍ୟନ୍ତ କାର୍ଯ୍ୟ କରୁଥିଲେ। ତା’ପରେ, ସେ ୨୦୧୮ ପର୍ଯ୍ୟନ୍ତ କଳାହାଣ୍ଡି ଜିଲ୍ଲାର ଧର୍ମଗଡ଼ ବ୍ଲକରେ କାର୍ଯ୍ୟ କରିଥିଲେ। ତା’ପରେ, ଫୁଲବାଣୀ ଜିଲ୍ଲାର ଚକାପାଦ ବ୍ଲକରେ ଏପ୍ରିଲ ୨୦୨୨ ପର୍ଯ୍ୟନ୍ତ ସହକାରୀ ଯନ୍ତ୍ରୀ ଭାବରେ କାର୍ଯ୍ୟ କରିଥିଲେ। ତା’ପରେ, ସେ ଏପ୍ରିଲ ୨୦୨୨ ମଧ୍ୟରେ ଜଳସେଚନ ବିଭାଗକୁ ଆସିଥିଲେ ଏବଂ ଭଞ୍ଜନଗରର ଡହ ଜଳସେଚନ ଉପ-ବିଭାଗର ଏସଡିଓ ଭାବରେ ଆଜି ପର୍ଯ୍ୟନ୍ତ ଏହି ପଦବୀରେ କାର୍ଯ୍ୟରତ ଅଛନ୍ତି। ଶ୍ରୀ ବେହେରାଙ୍କ ଘର ଖୋଜାଖୋଜି ସମୟରେ ତାଙ୍କ ପରିବାର ସଦସ୍ୟଙ୍କ ନାମରେ (୧) ବ୍ରହ୍ମପୁରର ବସନ୍ତ ବିହାରରେ ୩୫୫୦ ବର୍ଗଫୁଟ କ୍ଷେତ୍ରଫଳ ବିଶିଷ୍ଟ ଏକ ତିନି ମହଲା କୋଠା, (୨) ବ୍ରହ୍ମପୁର ସହର ଏବଂ ଏହାର ଆଖପାଖରେ ୫ଟି ମୂଲ୍ୟବାନ ପ୍ଲଟ୍, (୩) ବ୍ରହ୍ମପୁର ଆବାସିକ ଘରୁ ଓ ସରକାରୀ କ୍ବାଟରରୁ ନଗଦ ୧୮୯୦୮୦୦/- ଟଙ୍କା, (୪) ୨୦୨୪ ମସିହାରେ ୫୭ ଲକ୍ଷ ଟଙ୍କାରେ ଏକ କଂକ୍ରିଟ୍ ମିକ୍ସର ମେସିନ୍ କିଣାଯାଇଥିଲା, (୫) ୨୦୨୫ ମସିହାରେ ୩୭ ଲକ୍ଷ ଟଙ୍କା
