ବ୍ରହ୍ମପୁର,୧୧/୧୦/୨୦୨୦( ଟୁକୁନା ପ୍ରଧାନ) – : ଆଜି ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ ସନ୍ଧ୍ୟାରାଣୀ ପାଣିଗ୍ରାହୀଙ୍କ ନିର୍ଦ୍ଦେଶ କ୍ରମେ କୋଦଳା ନୋଡାଲ୍ ଉଚ୍ଚ ବିଦ୍ୟାଳୟ ପରିସର ରେ ସୁପରଭାଇଜର ମମତା ଦାଶ ଙ୍କ ନେତୃତ୍ବରେ ରେ ଏନ୍ଏସି ର ୧୫ ନମ୍ବର ଅଙ୍ଗନବାଡି କେନ୍ଦ୍ର ର ଅଙ୍ଗନବାଡି କର୍ମୀ ଓ ସହାୟିକା ନିଜ ନିଜ କେନ୍ଦ୍ର ର ନବ ଜନ୍ମିତ କନ୍ୟା ଏବଂ ମାତା ମାନଙ୍କୁ ନେଇ ଏକ କାର୍ଯକ୍ରମ “ମୋ ଗେହ୍ଲାଝିଅ” ଅନୁଷ୍ଠିତ ହୋଇଯାଇଛି । କନ୍ୟା ହେଉଛି ଆମର ଅମୂଲ୍ୟ ସମ୍ପଦ , କନ୍ୟା ସୁରକ୍ଷିତ ନ ଥିଲେ ସଂସାର ତିଷ୍ଠିବା ସମ୍ଭବପର ନୁହଁ । ଶିଶୁ ମାନଙ୍କ ସୁରକ୍ଷା ଆମର ଦାଇତ୍ଵ ବୋଲି ସୁପରଭାଇଜର କହିଥିଲେ ।ଏଥିସହିତ ଆଜିକାଲି ଝିଅ ମାନେ ପୁଅଙ୍କୁ ପଛରେ ପକାଇ ବହୁ ରେକର୍ଡ ସୃଷ୍ଟି କରିଥିବା ଦର୍ଶାଇ ମା ମାନଙ୍କୁ ଉତ୍ସାହିତ କରିଥିଲେ । ତେଣୁ ଝିଅ ଜନ୍ମ ହେଲେ ତାକୁ ଅଲୋଡ଼ା ନ ଭାବି ଆଦର ସହ ଗ୍ରହଣ କରିବାକୁ ପରାମର୍ଶ ଦେଇଥିଲେ । ଏହି ଅବସର ରେ କେକ୍ କାଟି ନବ ଜନ୍ମିତ କନ୍ୟା ମାନଙ୍କୁ ସ୍ଵାଗତ ଜଣାଇଥିଲେ । ଏଥିରେ ସମସ୍ତ ଅଙ୍ଗନଵାଡୀ କର୍ମୀ , ସହାୟିକା , କନ୍ୟା ମାତା , ସ୍ୱୟଂ ସହାୟକ ଗୋଷ୍ଠି ର ମା ମାନେ ପ୍ରମୁଖ ଅଂଶ ଗ୍ରହଣ କରିଥିଲେ ୲
