ନୟାଗଡ଼,୨୦/୧୦/୨୦୨୦:ନୟାଗଡ଼ ଜିଲ୍ଲା ଓଡ଼ଗାଁ ଥାନା ପୁଲିସ ଦ୍ୱାରା ୩ ଜଣ ଆନ୍ତଃଜିଲ୍ଲା ଡକାୟତକୁ ଗିରଫ କରିବା ସହ ୩ଟି ଗାଡ଼ି ଜବତ କରିଛି । ଗିରଫ ହୋଇଥିବା ଅଭିଯୁକ୍ତମାନେ ହେଲେ ନନ୍ଦିଘୋର ତୁଳସୀସାହିର ଟୁଲୁ ଓରଫ୍ କାର୍ତ୍ତୀକ ନାୟକ, ଓସ୍ତିଆର ନକୁଳ ଓରଫ ସନ୍ତୋଷ ବେହେରା, ଓଡ଼ଗାଁ ଖେଳପଡ଼ିଆ ସାହିର ଟୁନା ଓରଫ କୈଳାସ ଚନ୍ଦ୍ର ସାହୁ । ସୂଚନାନୁସାରେ, ଏହି ଅଭିଯୁକ୍ତମାନେ ବିଭିନ୍ନ ସ୍ଥାନରେ ଗାଡ଼ି ଲୁଟ କରି ନନ୍ଦିଘୋରରୁ ପୂର୍ବରୁ ଧରାପଡ଼ିଥିବା ଗ୍ୟାଙ୍ଗ ସହ ସଂପୃକ୍ତ ରହିଥିବା ଜଣାଯାଇଛି । ଏମାନଙ୍କ ପାଖରୁ ଗୋଟିଏ ମହିନ୍ଦ୍ରା ପିକ୍ଅପ୍, ଗୋଟିଏ ଟ୍ରାକ୍ଟର ଏବଂ ଗୋଟିଏ କାର ଜବତ କରାଯାଇଥିବା ଥାନା ଏସ୍ଆଇ ସଂଜୟ କୁମାର ପରିଡ଼ା ସୂଚନା ଦେଇଛନ୍ତି । ଆଜି ସେମାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
ରିପୋର୍ଟ: ରବିନ୍ଦ୍ର ପ୍ରଧାନ
