ବ୍ରହ୍ମପୁର, ୨୨/୦୧/୨୦୨୧( ଟୁକୁନା ପ୍ରଧାନ)ଗତ ୨୦ ତାରିଖ ଦିନ ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ର ପୂର୍ବତନ ବ୍ଲକ ଅଧ୍ୟକ୍ଷଙ୍କୁ ଗୁଳିକରି ହତ୍ୟା । ଦୃବୁର୍ତ୍ତ ମାନେ ଅତି ନିକଟରୁ ନିର୍ମମ ଭାବେ ହତ୍ୟା କରି ଘଟଣା ସ୍ଥଳରୁ ଚମ୍ପଟ ମାରିଥିବାରେ ସଫଳ ହୋଇଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲା । ଏଭଳି ଚାଞ୍ଚଲ୍ଯ ଓ ଲୋମଟାଙ୍କୁରା ଘଟଣା ଘଟିଛି ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ସୁମଣ୍ଡଳ ଗ୍ରାମରେ । ଆଜି ଗଞ୍ଜାମ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ପୋଲସରା ବିଧାୟକ ଶ୍ରୀକାନ୍ତ ସାହୁ ଘଟଣା ସ୍ଥଳ ପରିଦର୍ଶନ କରିବା ସହ ଦେବରାଜ ସାହୁ ଙ୍କ ଘର କୁ ଯାଇ ତାଙ୍କ ପରିବାର ସହ ଆଲୋଚନା କରିବା ସହ ସାନ୍ତ୍ଵନା ଦେଇଛନ୍ତି । ଏହି ଘଟଣା କୁ ସେ ନିନ୍ଦା କରିଛନ୍ତି । ସେହିପରି ବେଗୁନିଆପଡ଼ା ବ୍ଲକ ଅନ୍ତର୍ଗତ ସାଙ୍କୁଡା ପଞ୍ଚାୟତ ବାସିନ୍ଦା ତଥା କବିସୂର୍ଯ୍ଯନଗର ନିର୍ବାଚନ ମଣ୍ଡଳୀ ବେଗୁନିଆପଡ଼ା ବ୍ଳକ ୪୬ ନଂ ଜୋନ୍ ଜିଲ୍ଲାପରିଷଦ ସଭ୍ୟ ପ୍ରଫୁଲ୍ଲ ଚନ୍ଦ୍ର ତିଆଡ଼ି ଙ୍କ ଗତ ୧୬ ତାରିଖ ଶନିବାର ଦିନ ଦେହାନ୍ତ ହୋଇଥିଲା । ସେ କିଡ଼ନୀ ଜନିତ ରୋଗ ରେ ଆକ୍ରାନ୍ତ ଥିବା ସହ ବିଶାଖାପାଟଣା ର ଏକ ମେଡିକାଲ୍ ରେ ଚିକିତ୍ସିତ ହେଉଥିଲେ । ଚିକିସ୍ଥାଧିନ ଅବସ୍ଥା ରେ ତାଙ୍କର ଦେହାନ୍ତ ହୋଇଥିଲା ।ଏଥିରେ ବେଗୁନିଆପଡ଼ା ବ୍ଳକ ଜିଲ୍ଲାପରିଷଦ ସଭ୍ୟ ମନୋଜ କୁମାର ପାଣ୍ଡି, ତ୍ରିନାଥ ଭୂୟାଁ, ବିଜୟ କୁମାର ନାୟକ, ଭବାନୀ ପ୍ରସାଦ ଜେନା (ବୁଲା), ବସନ୍ତ କୁମାର ବାରିକ, ପଦ୍ମ ଚରଣ ସ୍ଵାଇଁ, ନାରାୟଣ ସୁମନ୍ତରାୟ, ଗୋପବନ୍ଧୁ ସାହୁ, ମହେନ୍ଦ୍ର କୁମାର ଗୌଡ, ପ୍ରକାଶ ଚନ୍ଦ୍ର ପାଣ୍ଡି, ପୂର୍ଣ୍ଣ ଚନ୍ଦ୍ର ସ୍ଵାଇଁ ସମେତ ଅନ୍ୟମାନେ ଉପସ୍ଥିତ ଥିଲେ ।
