ବ୍ରହ୍ମପୁର,୨୪/୦୧/୨୦୨୧:
ଦିଗପହଣ୍ଡି ମିନି ଷ୍ଟାଡିୟମରେ ଖେମୁଣ୍ଡି ସ୍ପୋର୍ଟସ କ୍ଳବ୍ ଆନୁକୁଲ୍ୟରେ ଚାଲିଥିବା ଆନ୍ତଃଜିଲ୍ଲା ଖେମୁଣ୍ଡି ଭଲିବଲ ଟୁର୍ନାମେଣ୍ଟର ଆଜି ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି । ଭରପୁର ଦର୍ଶକ ଓ ଭଲିବଲ୍ ପ୍ରେମୀଙ୍କ ସମାହାରରେ ଆଜି ଅନୁଷ୍ଠିତ ଶେଷ ତଥା ଫାଇନାଲ ମ୍ୟାଚରେ ଦୁଇ ପ୍ରମୁଖ ପ୍ରତିଦ୍ବନ୍ଦୀ ଗଜପତି ଜିଲ୍ଲାର ଗୁମ୍ମା ଭଲିବଲ୍ ଟିମ୍ ସହ ମୋହନାର ଟିମର ସଂଘର୍ଷପୂର୍ଣ୍ଣ ମ୍ୟାଚରେ ଗୁମ୍ମା ଦଳ ଟୂର୍ଣାମେଣ୍ଟ ବିଜୟୀ ହୋଇଥିବା ବେଳେ ମୋହନାଦଳ ଉପବିଜେତା ହୋଇଅଛି ।
ଆଜି ଅନୁଷ୍ଠିତ ଫାଇନାଲ ମ୍ୟାଚରେ ମୁଖ୍ୟ ଅତିଥି ରୂପେ ଯୋଗଦେଇ ମାନ୍ୟବର ସାନଖେମୁଣ୍ଡି ବିଧାୟକ ତଥା ଜିଲ୍ଲା କଂଗ୍ରେସ ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ଜେନା ଉପସ୍ଥିତ ଦର୍ଶକ ଓ ପ୍ରତିଯୋଗୀଙ୍କୁ ଉତ୍ସାହିତ କରିବା ସହିତ ଆୟୋଜିତ ସ୍ଵତନ୍ତ୍ର ଉତ୍ସବରେ ପ୍ରତିଯୋଗୀଙ୍କୁ ସମ୍ବର୍ଦ୍ଧିତ କରିଛନ୍ତି । ଦିଗପହଣ୍ଡି କଂଗ୍ରେସ ବିଧାୟକ ପାର୍ଥି ଶ୍ରୀ ପ୍ରଫୁଲ୍ଲ କୁମାର ପଣ୍ଡା , ରାଷ୍ଟ୍ରୀୟ କିଷାନ କଂଗ୍ରେସ ସାଧାରଣ ସମ୍ପାଦକ ଶ୍ରୀ ରଶ୍ମି ରଞ୍ଜନ ପଟ୍ଟନାୟକ ସମ୍ମାନୀୟ ଅତିଥିଭାବେ ଅଂଶ ଗ୍ରହଣ କରିବା ସହିତ କ୍ଳବ୍ କର୍ମକର୍ତ୍ତା ଓ ସଦସ୍ୟଙ୍କ ଉପସ୍ଥିତିରେ ବିଜୟୀ ଦଳ ଗୁମ୍ମା ଓ ଉପ ବିଜେତା ମୋହନାଦଳକୁ ଶ୍ରୀ ଜେନା ପୁରସ୍କୃତ କରିଛନ୍ତି ।
ସନ୍ତୋଷ କୁମାର ଦାଶ
