ବ୍ରହ୍ମପୁର,୨୯/୦୬/୨୦୨୧:ବ୍ରହ୍ମପୁର ସହର ମଧ୍ୟରେ ଥିବା ପୋଖରୀ ଗୁଡିକର ରକ୍ଷଣା ବେକ୍ଷଣ କରିବା ଓ ତାକୁ ବ୍ୟବହାର ଉପଯୋଗୀ କରିବାକୁ ୨୦୦୭ ଠାରୁ ୨୦୨୧ ମଧ୍ୟରେ କେନ୍ଦ୍ର ସରକାର ମାନ ପର୍ଯ୍ୟାୟକ୍ରମେ ୧୪କୋଟି ୯୯ଲକ୍ଷ ୪୦ହଜାର ଟଙ୍କା ମହାନଗର ନିଗମକୁ ଦେଇଥିବା ସୂଚନା ଅଧିକାର ଆଇନ ଦ୍ଵାରା ଜଣାଯାଇଛି l ଏହି ବିପୁଳ ଧନ ରାଶିର ସଠିକ୍ ବିନିଯୋଗ ହୋଇନଥିବା ଓ ଏଥିରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ କରି ଆଜି ଗଞ୍ଜାମ ଜିଲ୍ଲା ରାଷ୍ଟ୍ରୀୟ ମଜଦୂର କଂଗ୍ରେସ ଜିଲ୍ଲା ସଭାପତି ତଥା ଆଇନଜୀବି ପୀତବାସ ପଣ୍ଡାଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳ ଜିଲ୍ଲା ଭିଜିଲାନ୍ସ ଆରକ୍ଷୀ ଅଧିକ୍ଷକଙ୍କୁ ଏକ ଏଫ.ଆଇ.ଆର(FIR) ପ୍ରଦାନ କରିଛନ୍ତି l ଅଭିଯୋଗକାରୀ କଂଗ୍ରେସ ନେତା ମାନେ କହିଛନ୍ତି ଯେ, କେନ୍ଦ୍ର ସରକାରଙ୍କ ପ୍ରଦତ୍ତ ଏହି ବିପୁଳ ଧନ ରାଶିରେ ବ୍ୟାପକ ଅନିୟମିୟତା ହୋଇଛି l ଗୋଶାଣୀନୁଆଗାଁ ଉତ୍ତେରଶ୍ବର ପୋଖରୀ ବନ୍ଧ, ବିଜିପୁର ପୋଖରୀ ବନ୍ଧ ଓ ପାୟଲ ସିନେମା ହଲ ପାଖରେ ଥିବା ପୋଖରୀ ବନ୍ଧ ରେ ଏକାଧିକବାର କୋଟି କୋଟି ଟଙ୍କା ଖର୍ଚ୍ଚ ହୋଇଥିବା ବେଳେ ସହରର ଅନ୍ୟ ପୋଖରୀ ବନ୍ଧ ଗୁଡିକୁ କାହିଁକି ଅଣ ଦେଖା କରାଯାଇଥିଲା l ଏପରିକି ସହରରେ ଥିବା ୪୦ ଗୋଟି ଜଳାଶ୍ରୟ ଗୁଡିକରୁ ଠିକ୍ ଭାବରେ ପଙ୍କ ବାହାର ନହେବା,ଦଳ ସଫା ନହେବା,ପଥର ବନ୍ଧେଇ ଓ ତାର ଜାଳି ବନ୍ଧେଇ ରେ ନିମ୍ନ ମାନର କାମ ହେବା କଂଗ୍ରେସ ନେତା ମାନେ ଅଭିଯୋଗ କରିଛନ୍ତି l ସାଧାରଣ ଲୋକଙ୍କ ଏହି ଟଙ୍କାକୁ କିଛି ଅସାଧୁ ଅଧିକାରୀ, ମାଫିଆ, ଠିକାଦାର ଓ ରାଜନେତା ଚଳୁ କରି ଦେଇ ଥିବା ଅଭିଯୋଗ କରି ଏହାର ଭିଜିଲାନ୍ସ ତଦନ୍ତ କରିବାକୁ ଦାବୀ କରାଯାଇଛି lଆଜିର ଏହି କାର୍ଯ୍ୟକ୍ରମ ରେ ମଜଦୂର କଂଗ୍ରେସ ଜିଲ୍ଲା ସଭାପତି ଶ୍ରୀ ପୀତବାସ ପଣ୍ଡା ଙ୍କ ସମେତ ଭୋକାଲି ସେଠୀ, ଉଦୟ ପାଣିଗ୍ରାହୀ, ରଞ୍ଜନ ତରାଇ, ସୁଧୀର ମହାରଣା, ସାଇରାମ ପାତ୍ର,ପଦ୍ମ ଚରଣ ସାହୁ, ଆରତୀ ପଟ୍ଟନାୟକ, ସୁନିତା ସାହୁ,ସୌଭାଗ୍ୟ ପ୍ରଧାନ,ପ୍ରଶାନ୍ତ ସାହୁ, କୃଷ୍ଣ ମହାପାତ୍ର, ସଞ୍ଜୟ ନାୟକ, ଉମା ପଣ୍ଡା, ପ୍ରଫୁଲ୍ଲ ଘଡେଇ,ଜିତେନ୍ଦ୍ର ଗୌଡ଼, ସନ୍ତୋଷ ପୋଲାଇ,ବବୁଲ ବେଗ, ହୃଷିକେଶ ପାତ୍ର,ଚନ୍ଦ୍ର ଶେଖର ରାଓ,ମୁନା ଦୋରା ପ୍ରମୁଖ ଯୋଗ ଦେଇ ଥିଲେ l
