ବ୍ରହ୍ମପୁର,୨୪/୦୮/୨୦୨୧ (ଟୁକୁନା ପ୍ରଧାନ)-: ଆଜି ରାଜ୍ୟ ବିଜେପି ଓବିସି ମୋର୍ଚ୍ଚା ସଭାପତି ଶ୍ରୀ ସୁରଥ ବିଶ୍ୱାଳ ଙ୍କ ବ୍ରହ୍ମପୁର ଗସ୍ତ ଅବସରରେ ବିଜେପି ଜିଲ୍ଲା ଅଫିସ ଠାରେ ମହୁରୀ ମଣ୍ଡଳ ହଳଦିଆ ତୈଳିକ ବୈଶ୍ୟ ସମାଜ ପକ୍ଷରୁ ରାଜ୍ୟ ବିଜେପି ମୋର୍ଚ୍ଚା ସଭାପତି ଶ୍ରୀ ସୁରଥ ବିଶ୍ୱାଳ ଙ୍କୁ ସମ୍ବର୍ଦ୍ଧନା କରିବା ସହ ଶ୍ରୀ ବିଶ୍ୱାଳ ଙ୍କ ଜରିଆରେ ମାନ୍ୟବର ଭାରତ ର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କୁ ଏକ ଧନ୍ୟବାଦ ମାନପତ୍ର ପ୍ରଦାନ କରାଯାଇଛି। ମେଡିକାଲ ଶିକ୍ଷାରେ ଓବିସି ଏବଂ ଇଡବ୍ଲ୍ୟୁଏସ ଛାତ୍ରଛାତ୍ରୀଙ୍କୁ ସଂରକ୍ଷଣ ନିଷ୍ପତି ପ୍ରସଙ୍ଗରେ ପଛୁଆ ବର୍ଗ ଓ ଅର୍ଥନୈତିକ ଅନଗ୍ରସରମାନଙ୍କ ପାଇଁ ଯୁଗାନ୍ତକାରୀ ପଦକ୍ଷେପ । କେନ୍ଦ୍ର ସରକାରଙ୍କ ଏହି ଯୁଗାନୁକାରୀ ପଦକ୍ଷେପ ଓ ନିଷ୍ପତି ପାଇଁ ହଳଦିଆ ତୈଳକ ବୈଶ୍ୟ ସମାଜ ମହୁରୀ ମଣ୍ଡଳ ତରଫରୁ ଯଶସ୍ତୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି, କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଶ୍ରୀ ମନସୁଖ୍ ମାଣ୍ଡଭିୟା ଏବଂ କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଆନ୍ତରିକ ଧନ୍ୟବାଦ ଜଣାଇଛନ୍ତି । ରାଜ୍ୟର ପଛୁଆବର୍ଗ ଓ ଅର୍ଥନୈତିକ ଅନଗ୍ରସର ମାନଙ୍କ ପାଇଁ ଏହା ନିଶ୍ଚିତ ଭାବେ ଯୁଗାନ୍ତକାରୀ ପଦକ୍ଷେପ ବୋଲି କହିଛନ୍ତି ହଳଦିଆ ତୈଳିକ ବୈଶ୍ୟ ସମାଜ କେନ୍ଦ୍ରୀୟ ସଭାପତି ଶ୍ରୀଯୁକୁ କୀର୍ତ୍ତନ ସାହୁ । ଏହି ଅବସରରେ ସଙ୍ଘ ର ସହ ସମ୍ପାଦକ ବସନ୍ତ କୁମାର ସାହୁ, ସଭ୍ୟ ରବୀନ୍ଦ୍ର ସାହୁ, ନାରାୟଣ ସାହୁ, ଓ ଯୁବ ସଂଗଠକ ମଧୁ ସୁଦନ ସାହୁ ସମେତ ଅନ୍ୟମାନେ ଉପସ୍ଥିତ ରହି ମାନପାତ୍ର ପ୍ରଦାନ କରିଥିଲେ ।
