ପୋଲସରା, ୦୩/୦୧/୨୦୨୨ : ପୋଲସରା ବ୍ଲକ ଅନ୍ତର୍ଗତ ଜକର – ଡେଙ୍ଗାପଦର ଭାୟା ମଥୁରା ରାସ୍ତାର ଭିତ୍ତପ୍ରସ୍ତର ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୋଲସରା ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧକ୍ଷ ଶ୍ରୀକାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଡିସେମ୍ବର ୦୩ ତାରିଖ ଦିନ ଭିତ୍ତିପ୍ରସ୍ତର ସ୍ଥାପନ କରିଥିଲେ। କାର୍ଯ୍ୟକ୍ରମରେ ଗ୍ରାମ୍ୟ ଉନ୍ନୟନ ବିଭାଗ ସହକାରୀ ନିର୍ବାହୀ ଯନ୍ତ୍ରୀ ଅରବିନ୍ଦ ସ୍ୱାଇଁ, ଯନ୍ତ୍ରୀ ସଞ୍ଜୟ ଶଙ୍କର ଟୁଡୁ, ଅଜୟ ପାତ୍ର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଓଡ଼ିଶା ସରକାରଙ୍କ ଗ୍ରାମ୍ୟ ଉନ୍ନୟନ ବିଭାଗ ଅଧିନରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା ଆନୁକୁଲ୍ୟରେ ଜକର ଠାରୁ ଭାୟା ମଥୁରା ଦେଇ ଡେଙ୍ଗାପଦର ପର୍ଯ୍ୟନ୍ତ ରାସ୍ତାର ଉନ୍ନତିକରଣ କରାଯିବ । ଏହା ଦ୍ବାରା ଜକର , ଡେଙ୍ଗାପଦର ଓ ମାଥୁରା ଗ୍ରାମ ମଧ୍ୟରେ ଗମନା ଗମନ ପାଇଁ ସୁବିଧା ହୋଇପାରିବ । ଅନ୍ୟମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ବ୍ଲକ ବିଜେଡି ସଭାପତି ସୁରେନ୍ଦ୍ର ପ୍ରଧାନ, ସମ୍ପାଦକ ଅଶୋକ କୁମାର ବିଷୋୟୀ,ସ୍ଥାନୀୟ ସରପଞ୍ଚ ଶଙ୍କର ସେଠୀ, ଘନଶ୍ୟାମ ଦାସ, ଜଗୁଆଳି ସେଠୀଙ୍କ ସମେତ ଗ୍ରାମବାସୀ ଉପସ୍ଥିତ ଥିଲେ ।
ରିପୋର୍ଟ:ଅନିଲ କୁମାର ମହାରଣା
