ଦିଗପହଣ୍ଡି , ୧୦/୦୮/୨୦୨୨ : ପବିତ୍ର ରକ୍ଷା ବନ୍ଧନ ପର୍ବ ଅବସରରେ ଦିଗପହଣ୍ଡି ନଗର ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ପକ୍ଷରୁ ଭଗିନୀ କର୍ଯ୍ୟକର୍ତ୍ତାଙ୍କ ଦ୍ଵାରା ଅଞ୍ଚଳରେ କାର୍ଯ୍ୟରତ ଜରୁରୀକାଳୀନ ସେବା ସମୂହର କର୍ମଚାରୀଙ୍କୁ ରକ୍ଷା ବନ୍ଧନରେ ଆପ୍ୟାୟିତ କରାଯିବା ସହିତ ଆଶୀର୍ବାଦ କାମନା କଲାଯାଇଅଛି । ଆଜି ଏହି ଅବସରରେ ଏବିଭିପି ଗଞ୍ଜାମ ବିଭାଗ ସଂଗଠନ ସମ୍ପାଦକ ମିଳନ ମହାପାତ୍ର , ସଂଯୋଜକ ସ୍ଵାଗତ ତ୍ରିପାଠୀ , ଦିଗପହଣ୍ଡି ନଗର ସମ୍ପାଦକ ଅମିତ କୁମାର ରଥ ପ୍ରମୁଖଙ୍କ ସହ ଭଗିନୀ କାର୍ଯ୍ୟକର୍ତ୍ତା ରାଣୀ ମହାରଣା , ମୋନାଲିସା ପରିଛା , ଶୀତଲ ପଟନାୟକ , ମୋନାଲିସା ସାହୁ , ଭଗିନୀ ଲିଜା , ମୋନାଲିସା ସ୍ୱାଇଁ ମିଳିତ ଭାବେ ଦିଗପହଣ୍ଡି ଡାକ୍ତରଖାନା , ପୋଲିସ୍ ଥାନା , ବନାଞ୍ଚଳ କାର୍ଯ୍ୟାଳୟ , ଅଗ୍ନି ଏବଂ ବିପର୍ଯ୍ୟୟ ପ୍ରଶମନ କାର୍ଯ୍ୟାଳୟରେ ପହଞ୍ଚି କାର୍ଯ୍ୟରତ ଅଧିକାରୀ ଏବଂ କର୍ମଚାରୀଙ୍କୁ ରାକ୍ଷୀ ବାନ୍ଧିବା ସହ ମିଷ୍ଟାନ୍ନ ଖୁଆଇ ଆପ୍ୟାୟିତ କରିଥିଲେ । ପବିତ୍ର ରକ୍ଷା ବନ୍ଧନ ଉତ୍ସବ ଏବଂ ସାମାଜିକ ପର୍ବପର୍ବାଣୀରେ ନିଜ ପରିବାର ଠାରୁ ଦୂରରେ ରହି ଅଞ୍ଚଳବାସୀଙ୍କ ଠାରେ ଅନବରତ ଜରୁରୀ ସେବା ପ୍ରଦାନ କରୁଥିବାରୁ ସେମାନଙ୍କ ତ୍ୟାଗପୂତ ମନୋଭାବକୁ ନେଇ ଆନ୍ତରିକ ଶୁଭେଛା ପ୍ରଦାନ ସହ ଭଉଣୀ ମାନେ ସେମାନଙ୍କ ଭବିଷ୍ୟତର ସୁରକ୍ଷା ନେଇ କାମନା ଲୋଡିଥିଲେ ।
