ପାତ୍ରପୁର, ୧୯/୦୯/୨୦୨୨:ଗଞ୍ଜାମ ଜିଲ୍ଲା ପାତ୍ରପୁର ବ୍ଲକର ଜୟନ୍ତିପୁର ଠାରେ ଅବସ୍ଥିତ ଶ୍ରୀ ଦିବ୍ୟସିଂହ ବିଦ୍ୟାପୀଠ ଠାରେ ସୋମବାର ଦିନ ବ୍ଲକ ସ୍ତରୀୟ ବିଜ୍ଞାନ ପାଠ୍ୟଚକ୍ର ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ପାତ୍ରପୁର ଗୋଷ୍ଠୀ ଶିକ୍ଷାଧିକାରୀ ଲୋକନାଥ ପାଢୀ ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍ଘାଟନ କରିଥିବା ବେଳେ ଅତିରିକ୍ତ ବ୍ଲକ ଶିକ୍ଷାଧିକାରୀ ସିମାଞ୍ଚଳ ପାଇକ, ବିଆରସିସି ପ୍ରଫୁଲ କୁମାର ଚୌଧୁରୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ଆଲୋଚନା ଚକ୍ରରେ ବିଦ୍ୟାଳୟର ପ୍ରଧାନ ଶିକ୍ଷକ ସୁରେନ୍ଦ୍ର ନାଥ ପଣ୍ଡା ସଭାପତିତ୍ୱ କରିଥିଲେ । ଏହି ଆଲୋଚନା ଚକ୍ରରେ ବ୍ଲକର ମୋଟ ୨୩ଟି ବିଦ୍ୟାଳୟ ଅଶଂ ଗ୍ରହଣ କରିଥିବା ବେଳେ ବାଦପୁର ପଞ୍ଚାୟତ ଅନ୍ତର୍ଗତ ସୁନାଖଳା ପୁରୋହିତ ଜନାର୍ଦ୍ଦନ ବିଦ୍ୟାପୀଠର ଛାତ୍ର ବାବୁଲ ସେଠୀ ପ୍ରଥମ ସ୍ଥାନ ପାଇଛନ୍ତି । ବାବୁଲ ଜିଲ୍ଲା ସ୍ତରୀୟ ପାଠ୍ୟଚକ୍ରରେ ସାମିଲ ହେବେ । ଏହି ପାଠ୍ୟଚକ୍ରରେ ଅଶଂ ଗ୍ରହଣ କରିଥିବା ସମସ୍ତ ଛାତ୍ରଛାତ୍ରୀ ମାନଙ୍କୁ ଅତିଥିମାନଙ୍କ ଦ୍ଵାରା ମାନପତ୍ର ପ୍ରଦାନ କରାଯାଇଥିଲା । ଏହି ଆଲୋଚନା ଚକ୍ରରେ ବିଚାରକ ଭାବେ ସାମନ୍ତିଆପଲ୍ଲୀ ସ୍ଥିତ ଶ୍ରୀ ଭରତପତି ମହାବିଦ୍ୟାଳର ଦୁଇ ଅଧ୍ୟାପକ ଗୃପ୍ତେଶ୍ୱର ସାବତ ଓ ସିପୁନ ସାହୁ ସାମିଲ ହୋଇଥିଲେ । କାର୍ଯ୍ୟକ୍ରମକୁ ବିଜ୍ଞାନ ଶିକ୍ଷକ ସୁଦର୍ଶନ ପାଢୀ ଅତିଥି ପରିଚୟ ପ୍ରଦାନ କରିଥିବା ବେଳେ ସିଏଚ୍ ଆନନ୍ଦ ରାଓ ଆଚାରୀ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ହରିଶ୍ଚନ୍ଦ୍ର ମହାନ୍ତି, ବାଳକୃଷ୍ଣ ପ୍ରଧାନ, ସସ୍ମିତା ଦେବୀ, ସୁରେନ୍ଦ୍ର ଦାସ, ପବିତ୍ର କୁମାର ଦାସ, ଚିନ୍ତାମଣି ପଣ୍ଡା, ପ୍ରଶାନ୍ତ କୁମାର ପାଣିଗ୍ରାହୀ ପ୍ରମୁଖ ସହଯୋଗ କରିଥିଲେ ।
