ବ୍ରହ୍ମପୁର, ୩୦/୦୯/୨୦୨୨:ବ୍ରହ୍ମପୁର ବିଶ୍ଵବିଦ୍ୟାଳୟ ର ବାଣିଜ୍ୟ ବିଭାଗରେ ୨ ଦିନିକିଆ ଆନ୍ତର୍ଜାତିକ ସମ୍ମିଳନୀ ଉଦଯାପିତ ହୋଇଯାଇଛି ।ସଭାରେ ମୁଖ୍ୟ ଅତିଥି ରୂପେ କୁଳପତି ପ୍ରଫେସର ଗୀତାଞ୍ଜଳି ଦାଶ ସଭାପତିତ୍ବ କରିଥିଲେ, ସ୍ନାତକୋତ୍ତର ବିଭାଗ ସମୂହ ଅଧକ୍ଷ ପ୍ରଫେସର ପ୍ରତାପ କୁମାର ମହାନ୍ତି ଓ ବୈଜ୍ଞାନିକ ଶ୍ରୀ ରାମା ରାଓ ଭି ଭି ସମ୍ମାନୀୟ ଅତିଥି ରୂପେ ଯୋଗଦେଇଥିଲେ ଓ କିଭଳି ଛାତ୍ର ଛାତ୍ରୀ ମାନେ ଆତ୍ମନିର୍ଭରଶୀଳ ହୋଇପାରିବ ତାହା ଉପରେ ଆଲୋକପାତ କରିଥିଲେ। ପ୍ରଫେସର ଲାଲଅତିଥି ପରିଚୟ ପ୍ରଦାନ କରିଥିଲେ ଶ୍ରେଷ୍ଠ ଗବେଷକ ଙ୍କୁ ମଧ୍ୟ ସମ୍ମାନିତ କରାଯାଇଥିଲା ଶେଷରେ ଡଃ ମହେଶ୍ୱର ସେଠି ଧନ୍ୟବାଦ ଅର୍ପ୍ରଣ କରିଥିଲେ । ଉଦଯାପନୀ ସଭା ପରେ ପ୍ରଫେସର ଗୌରୀ ଶଙ୍କର ଲାଲ୍ ଙ୍କ ଉଦ୍ୟସ୍ୟରେ ଏକ ବିଦାୟ କାଳୀନ ସଭା ରଖା ଯାଇଥିଲା। ଏହି ସଭାରେ ବିଭାଗର ଅବସର ପ୍ରାପ୍ତ ପ୍ରଫେସର ଜଗନ୍ନାଥ ପଣ୍ଡା, ପ୍ରଫେସର ପ୍ରକାଶ ଚନ୍ଦ୍ର ମିଶ୍ର, ପ୍ରଫେସର କେ ସି ରାଉତ, ପ୍ରଫେସର ରୁଦ୍ର ପ୍ରସନ୍ନ ମହାପାତ୍ର, ଗୋପାଳ କୃଷ୍ଣ ପାଣିଗ୍ରାହୀ, ଉତ୍କଳ ବିଶ୍ଵବିଦ୍ୟାଳୟ ର ପ୍ରଫେସର ମହେଶ୍ୱର ସାହୁ , ଆଇ ଆଇ ଏମ୍ ଇନ୍ଦୋର ର ପ୍ରଫେସର ସୌମ୍ୟ ରଞ୍ଜନ ଦାଶ, ପୁରାତନ ଛାତ୍ର ଛାତ୍ରୀ, ଅନ୍ୟ ବିଭାଗର ଓ ମହାବିଦ୍ୟାଳୟ ର ଅଧ୍ୟାପକ ଉପସ୍ଥିତ ରହି ପ୍ରଫେସର ଲାଲ ଙ୍କୁ ସମ୍ବର୍ଦ୍ଧନା କରିଥିଲେ। ପ୍ରଫେସର ଲାଲ୍ ଙ୍କ ଉଦ୍ଦେଶ୍ୟରେ ଏକ ସ୍ମରଣିକା “ଏଭୋକେଶନ” କୁ ଉନ୍ମଚନ କରାଯାଇଥିଲା। ଅଧ୍ୟାପକ ଶ୍ରୀଯୁକ୍ତ ଚନ୍ଦ୍ରିକା ପ୍ରସାଦ ଦାସ, ଡଃ ଭେଙ୍କଟେଶ୍ୱର୍ ରାଓ , ଶକ୍ତି ରଞ୍ଜନ ଦାଶ, ଓ ଲିପ୍ସା ଦାସ ସଭା ସଂଯୋଜନା କରିଥିଲେ । ଶେଷରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ଏକ ବିଶାଳ ରାଲି କରାଯାଇ ପ୍ରଫେସର ଲାଲ୍ ଙ୍କୁ କ୍ୟାମ୍ପସ ପରିକ୍ରମା କରାଯାଇଥିଲା ।
