ବ୍ରହ୍ମପୁର, ୧୭/୧୨/୨୦୨୨(ଟୁକୁନା ପ୍ରଧାନ)ଆଜି ଗଞ୍ଜାମ ଜିଲ୍ଲା ବେଗୁନିଆପଡା ଠାରୁ ଭେଜିପୁଟ ରାସ୍ତାର ସୁମଣ୍ଡଳ ନିକଟସ୍ଥ ମା କାଳୀ ମନ୍ଦିର ପର ବ୍ରିଜ ରେ ଏକ କାର୍ ଭାରସାମ୍ୟ ହରାଇ ଧକ୍କା ଦେବା ପରେ ରାସ୍ତା ପାର୍ଶ୍ୱରେ ଥିବା ଜଣେ ମହିଳାଙ୍କୁ ଙ୍କୁ ଧକ୍କା ଦେଇଥିଲା ।ପ୍ରାପ୍ତ ସୂଚନା ଅନୁଯାୟୀ ବେଗୁନିଆପଡା ପଟୁ ଏକ କାର୍ ଯାହାର (ନମ୍ବର-OD02BC7962) ଭୁବନେଶ୍ୱର ଅଭିମୁଖେ ଯାଉଥିବା ବେଳେ ବାଣିଆବାଡ଼ି ଛକ ପରେ ମା କାଳୀଙ୍କ ମନ୍ଦିର ପରେ ଥିବା ଏକ ଶଙ୍ଖ ର ଡାହାଣ ପାର୍ଶ୍ୱରେ ଖୁବ୍ ଜୋରରେ ଧକ୍କା ଦେଇ ଓଲଟି ପଡିଥିଲା ।ଏହି ସମୟରେ ରାସ୍ତାରେ ଆସୁଥିବା ସୁମଣ୍ଡଳ ପଞ୍ଜାବୀ ସାହିର ତ୍ରିନାଥ ସ୍ୱାଇଁ ଙ୍କ ପତ୍ନୀ ଶିଶୁଳା ସ୍ୱାଇଁ(୬୦)ଙ୍କୁ ଧକ୍କା ଦେବା ପରେ ସେ ଗୁରୁତର ଆହତ ହୋଇଥିଲେ।ତାଙ୍କୁ ତୁରନ୍ତ ଖଲ୍ଲିକୋଟ ମେଡିକାଲକୁ ନିଆଯିବା ପରେ ଅବସ୍ଥା ଗୁରୁତର ହେବା ଯୋଗୁଁ ବ୍ରହ୍ମପୁର ସ୍ଥାନାନ୍ତର କରାଯାଇଥିଲା କିନ୍ତୁ ରାସ୍ତାରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ବେଗୁନିଆ ପଡା ଫାଣ୍ଡି ପୋଲିସ ଘଟଣା ସ୍ଥଳରେ ପହଞ୍ଚି ଗାଡିକୁ ଜବତ କରିବା ସହ ତଦନ୍ତ କରିଥିବା ଜଣାପଡ଼ିଛି।
