ବ୍ରହ୍ମପୁର,୨୩/୦୫/୨୦୨୩: ବ୍ରହ୍ମପୁର ଟାଉନ ଥାନା ପକ୍ଷରୁ ଗତକାଲି ସଂନ୍ଧ୍ୟା ରେ ୨୯ଗ୍ରାମ ବ୍ରାଉନସୁଗାର ଜବତ କରାଯିବା ସହ ୨ ଅଭିଯୁକ୍ତକୁ ଗିରଫ କରିଛି। ଉଭୟ ଅଭିଯୁକ୍ତ ମାନେ ହେଲେ ବଡ ବଜାର ଥାନା ଅନ୍ତର୍ଗତ ଧାନମେରା ସାହି ର ରଞ୍ଜନ ଦାସ ଏବଂ ରୁତୁରଞ୍ଜନ ନିମେଇ। ଗତକାଲି ସଂନ୍ଧ୍ୟା ସାଢେ ୪ ଟା ବେଳେ ରେ ଖଲ୍ଲିକୋଟ କଲେଜ ଖେଳ ପଡିଆ ଠାରେ ସେମାନେ ବ୍ରାଉନସୁଗାର ବିକ୍ରି କରିବା ଉଦ୍ଦେଶ୍ୟ ରେ ଥିବା ବେଳେ ଟାଉନ ଥାନା ପୋଲିସ ଚଢ଼ାଉ କରିଥିଲା।ସେମାନଙ୍କ ଠାରୁ ଗୋଟିଏ ପଲିଥିନ ଜରି ରେ ୧୦ଟି ଛୋଟ ଛୋଟ ପ୍ୟାକଟ ରେ ଥିବା ୨୮ଗ୍ରାମ ୯୫ ମିଲିଗ୍ରାମ ଓଜନର ବ୍ରାଉନସୁଗାର ସହ ଗୋଟିଏ ମୋବାଇଲ ଏବଂ ନଗଦ ୪୨୭୦ ଟଙ୍କା ପୋଲିସ ଜବତ କରିଛି। ଏନେଇ ବ୍ରହ୍ମପୁର ଟାଉନ ଥାନାରେ ଏକ ମାମଲା ୧୯୭/୨୦୨୩ ରୁଜୁ ହୋଇଛି।ଅଭିଯୁକ୍ତ ଙ୍କ ନାମରେ ପୂର୍ବରୁ ବଡ ବଜାର ଥାନ ଏବଂ ଟାଉନ ଥାନାରେ ମାମଲା ରହିଥିବା ପୋଲିସ ପକ୍ଷରୁ ସୁଚନା ଦିଆଯାଇଛି। ଅଭିଯୁକ୍ତ ମାନେ କେଉଁଠି ବ୍ରାଉନସୁଗାର ଆଣୁଥିଲେ ତାହା ପୋଲିସ ତଦନ୍ତ ଚଳାଇଛନ୍ତି।
