ପୋଲସରା, ୧୫/୧୧/୨୪ : ଗଞ୍ଜାମ ଜିଲ୍ଲା ଅନ୍ତର୍ଗତ ପୋଲସରା ଏନ୍.ଏ.ସି ର ୫ ନଂ ୱାର୍ଡ ବାଲିଘାଇ ସାହିରେ କାଠ ଫାଳିଆ ଆକ୍ରମଣରେ ଜଣେ ବ୍ୟକ୍ତି ମୃତ୍ୟୁ ବରଣ କରିଛନ୍ତି । ମୃତକ ଜଣକ ହେଲେ କଂଗ୍ରେସ ବେହେରା (୫୧) । କୌଣସି କାରଣରୁ ପଡୋଶୀଙ୍କ ସହ ବଚସା ହେବା ପରେ ଏଭଳି ଏକ ଅଭାବନୀୟ ଘଟଣା ଘଟିଥିବା ଜଣାପଡ଼ିଛି। ଗୁରୁବାର ସନ୍ଧ୍ୟାରେ ନିକଟରେ ଥିବା ଏକ କାଠ ଫାଳିଆରେ ପଡୋଶୀ ଲକ୍ଷ୍ମୀଧର ବିଶ୍ଵାଳ (୪୦) କଂଗ୍ରେସ ବେହେରାଙ୍କ ମୁଣ୍ଡର ପଛଭାଗକୁ ଆକ୍ରମଣ କରିଥିଲେ। ଯାହା ଫଳରେ କଂଗ୍ରେସଙ୍କୁ ଗୁରୁତର ଅବସ୍ଥାରେ ପୋଲସରା ମେଡ଼ିକାଲରେ ଭର୍ତ୍ତି କରିବା ପରେ ଡାକ୍ତର କଂଗ୍ରେସକୁ ବେହେରାଙ୍କୁ ମୃତ ଘୋଷଣା କରିଥିଲେ । ଖବର ପାଇ ପୋଲସରା ଥାନା ଆଇଆଇସି କୌଶିକ ମାଝୀ ପୋଲସରା ମେଡ଼ିକାଲରେ ପହଞ୍ଚି ମର ଶରୀର ଜବତ କରିଥିଲେ। ପରିବାର ଲୋକଙ୍କ ଅଭିଯୋଗ ପରେ ପୋଲସରା ପୋଲିସ ଥାନା କେଶ ନଂ ୬୮୨/୨୪ ପ୍ରକାରେ ମାମଲା ରଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଥିଲେ। ଅନୁସନ୍ଧାନ ପରେ ଲକ୍ଷ୍ମୀଧର ବିଶ୍ୱାଳଙ୍କୁ ଗିରଫ କରାଯାଇଥିବା ଆଇଆଇସି କୌଶିକ ମାଝୀ ପ୍ରକାଶ କରିଛନ୍ତି।
