ବୁଗୁଡା, ୦୬/୧୨/୨୪ ଗଞ୍ଜାମ ଜିଲ୍ଲାର ବାଲିପଦର ସ୍ଥିତ ଆଞ୍ଚଳିକ ବିଜ୍ଞାନ ସ୍ନାତକ ମହାବିଦ୍ୟାଳୟର ପୂର୍ବତନ ପ୍ରିନ୍ସପାଲ ଡାକ୍ତର ବିବେକାନନ୍ଦ ପଟ୍ଟନାୟକ ନଭେମ୍ବର ୩୦ ତାରିଖ ଦିନ ଅବସର ଗ୍ରହଣ ପରେ ନୂତନ ଅଧ୍ଯକ୍ଷ ଭାବେ ରାଜନିତୀ ବିଜ୍ଞାନ ବିଭାଗ ଅଧ୍ୟାପକ ଗୋପୀନାଥ ମହାନ୍ତିଙ୍କୁ ଉଚ୍ଚ ଶିକ୍ଷା ବିଭାଗ ପକ୍ଷରୁ ନୂତନ ପ୍ରିନ୍ସପାଲ ଭାବେ ନିଯୁକ୍ତି ଦିଆଯାଇଛି। ଭଞ୍ଜନଗର ଉପଜିଲ୍ଲାପାଳ ତଥା ମହାବିଦ୍ୟାଳୟ ପରିଚାଳନା ପରିଷଦ ସଭାପତିଙ୍କ ସୁପାରିଶ କ୍ରମେ ନିଯୁକ୍ତି ପାଇଥିବା ପ୍ରିନ୍ସପାଲ ଶ୍ରୀ ମହାନ୍ତିଙ୍କୁ ମହାବିଦ୍ୟାଳୟର ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କ ପକ୍ଷରୁ ସ୍ବାଗତ ସମ୍ବର୍ଦ୍ଧନା ଦିଆଯାଇଛି। ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରିନ୍ସପାଲ ସରୋଜକାନ୍ତ ଦାସ, ଉଚ୍ଚ ମାଧ୍ଯମିକ ବିଦ୍ୟାଳୟର ପ୍ରାକ୍ତନ ଅଧ୍ଯକ୍ଷ ଡକ୍ଟର ବି. ପ୍ରକାଶ ଚନ୍ଦ୍ର ପାତ୍ର, ପ୍ରାଧ୍ୟାପକ କାମେଶ୍ୱର ବେହରା, ଡ. ଏ. ଜିତେସ୍ ରାଓ ଦୋରା, ଅଧ୍ୟାପିକା ମିନତୀ ଅଚାରୀ, ପ୍ରେମାନନ୍ଦ ପ୍ରଧାନ, ଭକ୍ତ ଲତା ଦାସ, ସଲୀଳା ନାୟକ, ଭଞ୍ଜ କିଶୋର ଗୌଡ, ନବିନ ସ୍ବାଇଁ, ଏ.ମଦୁରାଜୁ ଦୋରା, ସିମାଞ୍ଚଳ ଗୌଡଙ୍କ ସମେତ ମହାବିଦ୍ୟାଳୟର ସମସ୍ତ କର୍ମଚାରୀ ଯୋଗଦେଇ ନୂତନ ପ୍ରିନ୍ସପାଲ ଶ୍ରୀ ମହାନ୍ତିଙ୍କୁ ସମ୍ବର୍ଦ୍ଧନା ପ୍ରଦାନ କରିଥିଲେ।
