ବୁଗୁଡା, ୨୨/୧/୨୫ : ଗଞ୍ଜାମ ଜିଲ୍ଲାର ବୁଗୁଡା ବ୍ଲକ ଅନ୍ତର୍ଗତ ବାଲିପଦର ସତସଙ୍ଗ କେନ୍ଦ୍ର ଆନୁକୂଲ୍ୟରେ ଶ୍ରୀ ଠାକୁର ଅନୁକୂଳ ଚନ୍ଦ୍ରଙ୍କ ୧୩୭ ତମ ଜନ୍ମୋତ୍ସବ ପାଳନ ହୋଇଯାଇଛି। ସହପ୍ରତି ରିତିକ ଭଗବାନ ବଢ଼େଇଙ୍କ ତତ୍ତ୍ୱାବଧାନରେ ପ୍ରତ୍ୟୁଷରୁ ଉଷା କୀର୍ତ୍ତନ ସହ ଏକ ସୁସଜ୍ଜିତ ରଥରେ ଠାକୁର ଅନୁକୂଳ ଚନ୍ଦ୍ରଙ୍କୁ ରଥାରୂଢ କରାଯାଇ ନଗର ପରିକ୍ରମା କରାଯାଇଥିଲା। ଏହାପରେ ଶ୍ରୀ ବଢେଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ସତସଙ୍ଗ କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ଭୁବନେଶ୍ୱରରୁ ଆସିଥିବା ବିରଞ୍ଚୀନାରାୟଣ ସାମନ୍ତରାୟ , ଠାକୁରଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହେଲେ ଆନନ୍ଦମୟ ପାରିବାରିକ ଜୀବନ ସହ ମୋକ୍ଷ ପ୍ରାପ୍ତି ହୋଇପାରିବ ବୋଲି ମତ ପ୍ରକାଶ କରିଥିଲେ। ସମ୍ମାନିତ ଅତିଥି ଭାବେ ଯାଜକ କୃଷ୍ଣ ଚନ୍ଦ୍ର ଗୁରୁ, ବିଘ୍ନେଶ ଦୋରା ନିଳାଞ୍ଚଳ ସାହୁ, ସମାଜସେବୀ କୈଳାଶ ଚନ୍ଦ୍ର ପ୍ରଧାନ, କେ.ନୀଳମାଧବ ଆଚାରୀ ଓ ହରିହର ବିଷୋୟୀ ଯୋଗଦେଇଥିଲେ। ସଂଗଠନର ସଭାପତି ହାଡୁବନ୍ଧୁ ପାତ୍ର, ସମ୍ପାଦକ ରବୀନ୍ଦ୍ର ବେହେରା, କୋଷାଧ୍ୟକ୍ଷ ସୁଦର୍ଶନ ପାତ୍ରଙ୍କ ସମେତ ପୂର୍ବତନ କର୍ମକର୍ତ୍ତା, ବରିଷ୍ଠ ଗୁରୁଭାଇ ଓ ବିଭିନ୍ନ ଅଞ୍ଚଳର ଗୁରୁଭାଇ ଓ ମାଆମାନେ ଯୋଗଦେଇଥିଲେ। ପ୍ରାୟ ଦୁଇ ହଜାର ଶ୍ରଦ୍ଧାଳୁଙ୍କ ପାଇଁ ଆନନ୍ଦବଜାରରେ ପ୍ରସାଦ ସେବନ ବ୍ୟବସ୍ଥା କରାଯାଇଥିଲା।
