କୋଦଳା : “ମୋ ଗାଁ ରେ ତହସିଲ ” କାର୍ଯ୍ୟକ୍ରମ ଅନୁଷ୍ଠିତ

ଗଞ୍ଜାମ, ୦୬/୦୨/୨୦୨୦:(ଟୁକୁନା ପ୍ରଧାନ)- : ଆଜି ଗଞ୍ଜାମ ଜିଲ୍ଲା କୋଦଳା ତହସିଲ୍ ଅନ୍ତର୍ଗତ ଷଣ୍ଢମୂଳ ପଞ୍ଚାୟତ ପରିସରରେ “ମୋ ଗାଁ ରେ ତହସିଲ୍” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଅତିରିକ୍ତ ତହସିଲଦାର ଅଶୋକ କୁମାର ତ୍ରିପାଠୀ, ସୁପରଭାଇଜର ବୈଦ୍ୟନାଥ ଗୌଡ଼ ପ୍ରମୂଖ ଯୋଗଦେଇ ଏହି କାର୍ଯ୍ୟକ୍ରମର ଲକ୍ଷ୍ୟ, ସୁବିଧା ଏବଂ ଉଦ୍ଦେଶ୍ୟ ବିଷୟରେ ଉପସ୍ଥିତ ଜନସାଧାରଣ ଙ୍କୁ କହିଥିଲେ । ଏଥିରେ ଉପସ୍ଥିତ ଅନ୍ୟ ମାନଙ୍କ ମଧ୍ୟରେ ସରପଞ୍ଚ ରଶ୍ମିତା ବେହେରା, ଷଣ୍ଢମୂଳ ସର୍କଲ ରାଜସ୍ଵ ନିରୀକ୍ଷକ ପ୍ରଦୀପ କୁମାର ଦାଶ, ସହକାରୀ ରାଜସ୍ୱ ନିରୀକ୍ଷକ ଅଭୟ କୁମାର ପ୍ରଧାନ, ଅମିନ ସନ୍ତୋଷ କୁମାର ସେଠୀ , କିରାଣୀ ସଞ୍ଜୟ କୁମାର ସେଠୀ , ଚିନ୍ମୟୀ ବେହେରା, ବନିତା ନାୟକ ସମେତ ତହସିଲ୍ କାର୍ଯ୍ୟାଳୟ ର ଅନ୍ୟାନ୍ୟ କର୍ମଚାରୀ ଏବଂ ପଞ୍ଚାୟତ ର କର୍ମଚାରୀ ସମେତ ବହୁ ଜନସାଧାରଣ ଉପସ୍ଥିତ ଥିଲେ । ଏଥିରେ ଘର ପଟା, ମ୍ୟୁଟେସନ, ଗ୍ରାମ କଣ୍ଟକ, ରେଜିଷ୍ଟ୍ରେସନ ଆଦି ସେବା ଜନସାଧାରଣ ଙ୍କୁ ଯୋଗାଇ ଦିଆଯାଇଥିଲା ।