ବ୍ରହ୍ମପୁର,୧୪/୦୯/୨୦୨୦ (ଟୁକୁନା ପ୍ରଧାନ ) ବିଶ୍ୱନାଥ ଦାଶ ଙ୍କ ଜନ୍ମ୧୮୮୯ ମାର୍ଚ୍ଚ ୮ ତାରିଖ ରେ ଗଞ୍ଜାମ ଜିଲ୍ଲାର ପୋଲସରା ନିକଟବର୍ତ୍ତୀ ବେଲଗାଁ ଠାରେ । ତାଙ୍କ ପିତାଙ୍କ ନାମ ଶ୍ରୀ ଯୁକ୍ତ ମଧୁସୁଦନ ଦାଶ, ସେ ରେଭେନ୍ସା ମହାବିଦ୍ୟାଳୟରୁ ସ୍ନାତକରେ ଉତ୍ତୀର୍ଣ୍ଣ ହେଲା ପରେ ,କଲିକତା ବିଶ୍ୱବିଦ୍ୟାଳୟରୁ ଆଇନରେ ସ୍ନାତକୋତ୍ତର ଶିକ୍ଷା ସମାପ୍ତ କରିଥିଲେ । ୧୯୨୧ ମସିହାରେ ଭାରତୀୟ ଜାତୀୟ ସଂଗଠନ କଂଗ୍ରେସରେ ଯୋଗଦେଲେ । ସେହିବର୍ଷ ସେ ମଧ୍ୟ ଗଞ୍ଜାମ ଜିଲ୍ଲାର ଛତ୍ରପୁର ତାଲୁକା ପରିଷଦର ସଭାପତି ପଦକୁ ନିର୍ବାଚିତ ହୋଇଥିଲେ । ଓଡ଼ିଶାର ସେବା କ୍ଷେତ୍ରରେ ମହତ୍ୱପୂର୍ଣ୍ଣ ଅବଦାନ ଥିଲା ତାଙ୍କର। ଲୋକ ସେବକ ମଣ୍ଡଳର ଆଜୀବନ ସଦସ୍ୟ ମଧ୍ୟ ଥିଲେ। ବିଶ୍ୱନାଥ ଦାଶ ମାଡ୍ରାସ କାଉନ୍ସିଲକୁ ତିନିଥର (୧୯୨୦ -୧୯୨୯) ନିର୍ବାଚିତ ହୋଇଥିଲେ । ପରେ ସେ ସ୍ୱାଧିନତା ସଂଗ୍ରାମରେରେ ଭାଗ ନେବାପାଇଁ କାଉନ୍ସିଲରୁ ଇସ୍ତଫା ଦେଇଥିଲେ । ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନରେ ତାଙ୍କର ପ୍ରଚେଷ୍ଟା ପ୍ରଣିଧାନ ଯୋଗ୍ୟ । ୧୯୩୬ ମସିହାରେ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ହେଲାପରେ ସେ ୧୯୩୭ ମସିହାରେ ଓଡ଼ିଶାର ପ୍ରଥମ ପ୍ରଧାନମନ୍ତ୍ରୀ ହୋଇଥିଲେ । ପରେ ସେ ଦ୍ୱିତୀୟ ବିଶ୍ୱଯୁଦ୍ଧ ହେବାରୁ ୧୯୪୨ ମସିହାରେ ଇସ୍ତଫା ଦେଇଥିଲେ । ସେ ୧୯୪୭ରୁ ୧୯୫୨ ପର୍ଯ୍ୟନ୍ତ ଭାରତୀୟ ସମ୍ବିଧାନ ସଭାର ସଦସ୍ୟ ଥିଲେ।ସେ ମଧ୍ୟ ଉତ୍ତର ପ୍ରଦେଶର ରାଜ୍ୟପାଳ (୧୯୬୨-୧୯୬୭) ଥିଲେ ।ସେ ଅନେକ ଥର ଓଡ଼ିଶା ପ୍ରଦେଶ କଂଗ୍ରେସ କମିଟିର ସଭାପତି ଥିଲେ । ପରେ ୧୯୭୧-୧୯୭୨ରେ ସେ ଓଡ଼ିଶାର ମୁଖ୍ୟମନ୍ତ୍ରୀ ହୋଇଥିଲେ ।ପ୍ରାୟ ଅର୍ଦ୍ଧ ଶତାବ୍ଦୀ ଧରି ସାମାଜିକ ଓ ରାଜନୀତିକ ଜୀବନ ଅତିବାହିତ କଲାପରେ ସେ ୨ ଜୁନ ୧୯୮୪ରେ ଇହଲୀଳା ସମ୍ବରଣ କରିଥିଲେ ।ମାର୍ଚ୍ଚ ୮ ସ୍କୁଲ ଓ କଲେଜ ପଣ୍ଡିତ ବିଶ୍ଵନାଥ ଦାଶ ସ୍ନୁତି ଦିବସ ଭାରତ ସାରା ପାଳିତ କରିବାପାଇଁ ଅନୁରୋଧ ଜଣାଇଛନ୍ତି ଅଣ ନାତି ଆଲୋକ ପଣ୍ଡା। ବିଶ୍ଵନାଥ ଦାଶଙ୍କ ପ୍ରତିମୃତ୍ତୀ ସ୍ଥାପନ ପାଇଁ ବାରଟି ଯାଗାରେ ସଙ୍କଳ୍ଫ କରାଯାଉ ।ଭୁବନେଶ୍ୱର, ବ୍ରହ୍ମପୁର କଟକ, ପୁରୀ,ବାଲେଶ୍ୱର,ରାଉକେଲା,ସମ୍ବଲପୁର,କୋରାପୁଟ, ଝାସୁଗୁଡା, ବଲାଙ୍ଗୀର, ପାରାଦ୍ୱୀପ ବିଶ୍ଵନାଥ ଦାଶଙ୍କ ନାମରେ ବିଶ୍ଵନାଥ ଦାଶ ସେବାକେନ୍ଦ୍ର ଓଡିଶା ସବୁ ଜିଲ୍ଲାରେ ଖୋଲାଯାଉ । ତାଙ୍କ ନୀଜ ଜନ୍ମ ସ୍ଥାନ ଗଞ୍ଜାମ ଜିଲ୍ଲା ପୋଲସରା ଅନ୍ତର୍ଗତ ବେଲଗାଁ ରେ ପ୍ରତିମୃତ୍ତି କରିବା ପାଇଁ ରାଜ୍ଯ ସରକାର ଙ୍କୁ ଅନୁରୋଧ ମଧ୍ଯ କରିଛନ୍ତି ।
