ବ୍ରହ୍ମପୁର,୧୪/୧୦/୨୦୨୦ (ଟୁକୁନା ପ୍ରଧାନ )-: ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଅନ୍ତର୍ଗତ ଆଛୁଲୀ ଓ ସମା କୋଦଳା ଆର୍ ଡି ରାସ୍ତାରେ ୩ ଫୁଟ୍ ଜଳ ମଗ୍ନ । ଲଘୁଚାପ ଜନିତ ଲଗାଣ ବର୍ଷାରେ ବନ୍ଯାଜଳ ପ୍ରଭାବିତ ହୋଇଛି ଫଳରେ ପୁରୁଷୋତ୍ତମପୁର ତହସିଲ ଅଧିନସ୍ଥ ଚଢିଆପଲ୍ଲୀ, ଗୋଠିଆଳି , ବଡ ବରଗାଁ, ସମା ଏବଂ କେ ଏନ୍ ପୁର ଗ୍ରାମର ଏକର ଏକର ଚାଷ ଜମି ଜଳମଗ୍ନ ହୋଇଛି ଫଳରେ ଚାଷୀ କୂଳ ହତାଶ ହୋଇ ପଡ଼ିଛନ୍ତି । ଏପଟେ ଲଘୁଚାପ ଜନିତ ବର୍ଷା ରେ ଫସଲ କ୍ଷୟକ୍ଷତି ଅନ୍ୟପଟେ ମହାମାରୀ କୋଭିଡ୍ – ୧୯ ମହାମାରୀ ର ପ୍ରକୋପ ଫଳରେ ଚାଷୀର ମେରୁଦଣ୍ଡ ଭାଙ୍ଗି ଯାଇଛି । ଏଭଳି ପ୍ରାକୃତିକ ବିପର୍ଯ୍ୟୟ ସମୟରେ ଚାଷି ମାନଙ୍କୁ ସହାୟତା ରାଶି ପ୍ରଦାନ କରିବା ପାଇଁ ରାଜ୍ଯ ସରକାରଙ୍କୁ ଗଣମାଧ୍ୟମ ମାଧ୍ୟମରେ ଭାରତୀୟ ଜନତା ପାଟି ର ରାଜ୍ଯ ସଦସ୍ୟ ଅରୁଣ କୁମାର ପଣ୍ଡା ସମେତ ଅନ୍ୟାନ୍ୟ ବିଜେପି କର୍ମକର୍ତ୍ତା ମାନେ ଦାବୀ କରିଛନ୍ତି ।
