ବ୍ରହ୍ମପୁର,୧୩/୦୩/୨୦୨୩: ଗଞ୍ଜାମ ଓକିଲ ସଂଘ ନିର୍ବାଚନ ପାଇଁ ପ୍ରାର୍ଥୀଙ୍କ ଚୂଡାନ୍ତ ତାଲିକା ପ୍ରକାଶ ପାଇଛି। ସଭାପତି ଓ ସମ୍ପାଦକ ପାଇଁ ସର୍ବାଧିକ ୬ଜଣ ଲେଖାଏଁ ପ୍ରାର୍ଥୀ ରହିଛନ୍ତି।ସଭାପତି ପଦ ପାଇଁ ମୋଟ ୬ଜଣଙ୍କ ପ୍ରାର୍ଥୀ ଚୁଡାନ୍ତ ତାଲିକା ରେ ରହିଛନ୍ତି।ସେମାନେ ହେଲେ ଡା.ଶିବ ପ୍ରସାଦ ମିଶ୍ର, ଜଗତ ମୋହନ ପଟ୍ଟନାୟକ, ଲକ୍ଷ୍ମୀ ନାରାୟଣ ପତି,ମିନତୀ ରଥ,ରବୀନ୍ଦ୍ର କୁମାର ଦେଓ,ସୁଧାଂଶୁ ଶେଖର ପଣ୍ଡା।ସେପରି ଉପସଭାପତି ପଦବୀ ପାଇଁ ଡା.ଦିଲ୍ଲୀପ କୁମାର ପାତ୍ର, ଏମ.ଚନ୍ଦ୍ର ଶେଖର ଥିବା ବେଳେ ସଂପାଦକ ପଦବୀ ଅନୀଲ କୁମାର ପଣ୍ଡା, ଜ୍ୟୋତି ପ୍ରସାଦ ଛୋଟରାୟ, ଶିବ ନାରାୟଣ ସାହୁ, ସୁଧିର କୁମାର ମିଶ୍ର, ଟି.ଭେଙ୍କଟ ରାଓ,ଟିଟୁ କୁମାର ପାତ୍ର ପ୍ରାର୍ଥୀ ପତ୍ର ଚୁଡାନ୍ତ ତାଲିକା ରେ ରହିଛନ୍ତି। ସହ ସଂପାଦକ ପଦବୀ ପାଇଁ ଗିରିଜା ଶଙ୍କର ବେହେରା, ଜେ.ଶ୍ରୀନିବାସ, ତାପସ କୁମାର ସାହୁ ରହିଛନ୍ତି।ଆସନ୍ତା ୨୫ ତାରିଖ ଦିନ ସକାଳ ୮ଠାରୁ ଅପରାହ୍ନ ୩ ଟା ଯାଏଁ ଭୋଟ ଗ୍ରହଣ କରାଯିବା ସହ ସେହି ଦିନ ୪ରେ ଭୋଟ ଗଣତି କରାଯାଇ ବିଜୟୀ ପ୍ରାର୍ଥୀ ଙ୍କ ନାମ ଘୋଷଣା କରାଯିବ।
