ବୁଗୁଡା, ୨୫/୦୫/୨୦୨୩ : ବୁଗୁଡା ପିପୁଲସ କଲେଜ ପଦାର୍ଥ ବିଜ୍ଞାନ ବିଭାଗ ପକ୍ଷରୁ ବୁଦ୍ଧଖୋଲରେ ତୃତୀୟ ବର୍ଷ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ମଇ ୨୫ ତାରିଖ ଦିନ ବିଦାୟ କାଳୀନ ସଭା ଅନୁଷ୍ଠିତ ହୋଇଯାଇଛି। ଏହି ବିଦାୟ କାଳୀନ ସଭାରେ କଲେଜର ପ୍ରିନ୍ସପାଲ ହରିକୃଷ୍ଣ ନାୟକ ଅଧ୍ୟକ୍ଷତା କରିଥିଲେ। ପଦାର୍ଥ ବିଜ୍ଞାନ ବିଭାଗ ମୁଖ୍ୟ ଅଧ୍ୟାପକ ସୁଶାନ୍ତ କୁମାର ସାହୁଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି ବିଦାୟ କାଳୀନ ସଭାରେ ଇତିହାସ ବିଭାଗ ଅଧ୍ୟାପକ ରବୀନ୍ଦ୍ର ନାଥ ପୋଲାଇ, ପ୍ରାକ୍ତନ ମୁଖ୍ୟ କିରାଣୀ କିଶୋର ଚନ୍ଦ୍ର ପଣ୍ଡା, ଡେମୋନଷ୍ଟାଟର ଭଗବାନ ସ୍ବାଇଁ, ପ୍ରଦୀପ କୁମାର ପ୍ରଧାନ, କିରାଣୀ ଚିତ୍ରସେନ ପ୍ରଧାନ ଯୋଗ ଦେଇଥିଲେ। ଦ୍ଵିତୀୟ ବର୍ଷ ଛାତ୍ରୀ ଶାଳିନୀ ପ୍ରଧାନ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ। ପ୍ରଥମ ଓ ଦ୍ଵିତୀୟ ବର୍ଷ ଛାତ୍ରଛାତ୍ରୀ ବୃନ୍ଦ ତୃତୀୟ ବର୍ଷ ଛାତ୍ରଛାତ୍ରୀଙ୍କୁ ବିଦାୟ ସମ୍ବର୍ଦ୍ଧନା ଦେବାବେଳେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ଅଧ୍ୟକ୍ଷ ଶ୍ରୀ ନାୟକ, ଅଧ୍ୟାପକ ଶ୍ରୀ ସାହୁ ଓ ଶ୍ରୀ ପୋଲାଇ ତୃତୀୟ ବର୍ଷର ଛାତ୍ରଛାତ୍ରୀଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ। ଶେଷରେ ଛାତ୍ରୀ ଦୀକ୍ଷିତା ଜେନା ଧନ୍ୟବାଦ ପ୍ରଦାନ କରିଥିଲେ।
