ବ୍ରହ୍ମପୁର,୧୯/୦୧/୨୦୨୪:ବ୍ରହ୍ମପୁର ବିଶ୍ବବିଦ୍ୟାଳୟ ସ୍ନାତୋକୋତ୍ତର ରାଜନୀତି ବିଜ୍ଞାନ ବିଭାଗ ଏବଂ ଲୋକ ପ୍ରଶାସନ ବିଭାଗର ମିଳିତ ଆନୁକୁଲ୍ୟରେ “ଧର୍ମନିରପେକ୍ଷତା ଏବଂ ଏହା ପ୍ରତି ଆହ୍ଵାନ ” ଉପରେ ଏକ ବିଶଷ୍ଟ ବକ୍ତୃତା ର ଆୟୋଜନ କରାଯାଇଥିଲା। ଏହାକୁ ଭାରତର ପୂର୍ବତନ ରାଷ୍ଟ୍ରପତି ଶ୍ରୀ କେ. ଆର୍. ନାରାୟଣନ୍ ଙ୍କ ନିକଟରେ ଅଫିସର ଅନ୍ ସ୍ପେଶାଲ ଡ୍ୟୁଟି ଭାବରେ କାର୍ଯ୍ୟ କରୁଥିବା ଶ୍ରୀ ସତ୍ୟ ନାରାୟଣ ସାହୁ ପ୍ରଦାନ କରିଥିଲେ। ସ୍ନାତୋକୋତ୍ତର ରାଜନୀତି ବିଜ୍ଞାନ ବିଭାଗର ସଂଯୋଜକ ଡ଼ ରାଜେଶ ସେଠ୍ ସଭାପତିତ୍ୱ କରିଥିଲେ ଏବଂ ଛାତ୍ରଛାତ୍ରୀମାନଙ୍କୁ ଏହି ପ୍ରସଙ୍ଗର ପରିଚୟ ଦେଇଥିଲେ | ଧର୍ମନିରପେକ୍ଷତାର ଏକାଧିକ ଦୃଷ୍ଟିକୋଣ ଉପରେ ଶ୍ରୀ ସତ୍ୟ ନାରାୟଣ ସାହୁ ଆଲୋଚନା କରିଥିଲେ। ଭାରତୀୟ ଧର୍ମନିରପେକ୍ଷତା ପାଶ୍ଚାତ୍ୟ ଧର୍ମନିରପେକ୍ଷତାଠାରୁ ଭିନ୍ନ ବୋଲି ସେ ସ୍ପଷ୍ଟ କରିଥିଲେ। ଭାରତୀୟ ସମ୍ବିଧାନ ପ୍ରଣୟନ ସଭାର ବିତର୍କ ଏବଂ ଭାରତର ସ୍ୱାଧୀନତା ସଂଗ୍ରାମ ଆନ୍ଦୋଳନକୁ ଦର୍ଶାଇ ସେ ଭାରତୀୟ ଧର୍ମନିରପେକ୍ଷତାର ଅନ୍ତର୍ଭୁକ୍ତିକରଣ ପ୍ରକୃତି ପାଇଁ ଯୁକ୍ତି ବାଢ଼ିଥିଲେ । ବିବିଧତାରେ ବହୁଳ ସାଂସ୍କୃତିକ ଭାରତୀୟ ସମାଜ ଉପରେ ଧର୍ମନିରପେକ୍ଷତାର ଏକ ସମନ୍ୱିତ କାହାଣୀ ଉପରେ ଶ୍ରୀ ସାହୁ ଗୁରୁତ୍ଵାରୋପ କରିଥିଲେ। ଶାନ୍ତି, ବିକାଶ ଏବଂ ଗଣତନ୍ତ୍ରର ବୃହତ୍ତର ଲକ୍ଷ୍ୟ ହାସଲ କରିବା ପାଇଁ ସେ ଧାର୍ମିକ ସହନଶୀଳତା, ସାମ୍ପ୍ରଦାୟିକ ସୌହାର୍ଦ୍ଦ୍ୟ ଏବଂ ଧାର୍ମିକ ବିଷୟରେ ରାଷ୍ଟ୍ର ର ‘ନୀତିଗତ ଦୂରତା’ ଉପରେ ଗୁରୁତ୍ୱାରୋପ କରିଥିଲେ। ପରିଶେଷରେ, ଶ୍ରୀ ସଞ୍ଜୟ ମେହେର, ସ୍ନାତୋକୋତ୍ତର ରାଜନୀତି ବିଜ୍ଞାନ ବିଭାଗ ର ସହକାରୀ ଅଧ୍ୟାପକ ଏବଂ ଲୋକ ପ୍ରଶାସନ ବିଭାଗର ସଂଯୋଜକ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମର ସଂଯୋଜନାରେ ବିଭାଗର ଶିକ୍ଷକ ଡ଼. ଶାରଦା ପ୍ରସନ୍ନ ରାଉତ ଏବଂ ଡ଼ କୀର୍ତ୍ତିମୟୀ ରାଉତରାୟ ଉପସ୍ଥିତରହି ସଭା ସମ୍ପାଦନାରେ ସହଯୋଗ କରିଥିଲେ। ଛାତ୍ରଛାତ୍ରୀ ଉତ୍ସାହର ସହିତ ବହୁ ସଂଖ୍ୟାରେ ଭାଗ ନେଇ ବକ୍ତୃତା ସଭାକୁ ସଫଳ କରିଥିଲେ।
Home ବ୍ରହ୍ମପୁର ସ୍ପେଶାଳ ବ୍ରହ୍ମପୁର ବିଶ୍ୱବିଦ୍ୟାଳୟରେ ଧର୍ମନିରପେକ୍ଷତା ଏବଂ ଏହାପ୍ରତି ଆହ୍ଵାନ ଉପରେ ଏକ ବିଶିଷ୍ଟ ବକ୍ତୃତାର ଆୟୋଜନ