ଭୂବନେଶ୍ୱର,୦୯/୦୬/୨୦୨୪:
ଓଡ଼ିଶାରେ ନିର୍ବାଚନର ଫଳାଫଳ ଆସି ସାରିଥିବା ବେଳେ ଏପର୍ଯ୍ୟନ୍ତ ମୁଖ୍ୟମନ୍ତ୍ରୀ କିଏ ହେବେ, ତାହା ସ୍ପଷ୍ଟ କରିନାହିଁ ସଂଖ୍ୟା ଗରିଷ୍ଠତା ହାସଲ କରିଥିବା ବିଜେପି । ଏହାରି ମଧ୍ୟରେ ବଡ଼ ଖବର ସାମ୍ନାକୁ ଆସିଛି କି, ୧୦ ନୁହେଁ ବରଂ ୧୨ ତାରିଖରେ ଓଡ଼ିଶାର ନୂଆ ମୁଖ୍ୟମନ୍ତ୍ରୀ ଶପଥ ଗ୍ରହଣ କରିବେ । ଏନେଇ ଦଳୀୟ ସୂତ୍ରରୁ ସୂଚନା ମିଳିଛି । ଅନ୍ୟପଟେ ରାଜ୍ୟ କାର୍ଯ୍ୟାଳୟରେ ଶପଥ ଉତ୍ସବ ପାଇଁ ପ୍ରସ୍ତୁତି ବୈଠକ ଚାଲିଛି । ବୈଠକ ପରେ ତାରିଖ ଘୋଷଣା ହୋଇପାରେ ।ତେବେ ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ଭାବରେ ନରେନ୍ଦ୍ର ମୋଦୀ ଶପଥ ଗ୍ରହଣ କରିବା ପରେ ଓଡିଶାର ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରାଯାଇପାରେ । ଓଡିଶା ବିଜେପି ମୁଖ୍ୟ ମନମୋହନ ସାମଲ ଏହି ସୂଚନା ଦେଇଛନ୍ତି । ବିଜେପି ସଂସଦୀୟ ଦଳ ଏହାର ବୈଠକରେ ମୁଖ୍ୟମନ୍ତ୍ରୀ ଚୟନ କରିବ ବୋଲି ସାମଲ କହିଛନ୍ତି ଯେ, ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀଙ୍କ ବିଷୟରେ ତାଙ୍କ ପାଖରେ କୌଣସି ସୂଚନା ନାହିଁ ।ସାମଲ କହିଛନ୍ତି ଯେ, ଓଡିଶା ବିଜେପି ସଭାପତି ଭାବରେ ସେ ଶପଥ ଗ୍ରହଣ ସମାରୋହରେ ସମସ୍ତ ହିତାଧିକାରୀଙ୍କ ସହ ସମନ୍ୱୟ ରକ୍ଷା କରୁଛନ୍ତି ।ନିର୍ବାଚନରେ ବିଜେପି ସଂଖ୍ୟା ଗରିଷ୍ଠତା ହାସଲ କରି ୧୪୭ ସଦସ୍ୟ ଥିବା ଓଡିଶା ବିଧାନସଭାରୁ ୭୮ ଟି ଆସନ ଜିତିବା ସହ ଜଣେ ସ୍ବାଧୀନ ବିଧାୟକ ଙ୍କ ସମର୍ଥନ ରହିଛି । ବିଜେପି ନେତା କହିଛନ୍ତି, ‘ମୁଁ ଏନଡିଏ ସଂସଦୀୟ ଦଳର ନେତା ବାଛିବା ପାଇଁ ଏକ ସଭାରେ ଯୋଗଦେବାକୁ ଦିଲ୍ଲୀ ଯାଇଥିଲି । ରାଜ୍ୟର ସମସ୍ତ ନବ ନିର୍ବାଚିତ ସାଂସଦ ସେଠାରେ ଉପସ୍ଥିତ ଥିଲେ । ଆମେ ଦିଲ୍ଲୀରେ ଆୟୋଜିତ ଅନ୍ୟ ପାର୍ଟି କାର୍ଯ୍ୟକ୍ରମରେ ମଧ୍ୟ ଭାଗ ନେଇଥିଲୁ । ଓଡିଶାର ୨୧ ଟି ଲୋକସଭା ଆସନ ମଧ୍ୟରୁ ୨୦ ଟି ବିଜେପି ଜିତିଛି ବୋଲି ସେ କହିଛନ୍ତି ।
