ବ୍ରହ୍ମପୁର, ୦୫/୦୯/୨୦୨୦ : ଚଳିତ ଲଗାଣ ବର୍ଷାରେ ସାନଖେମୁଣ୍ଡି ବ୍ଲକ ଅଞ୍ଚଳରେ ବହୁ ଗରିବ ଗୁରୁବା ଙ୍କ ଘର କ୍ଷତିଗ୍ରସ୍ତ ହୋଇଥିବା ବେଳେ ଆମ୍ବଗାଁ ପଞ୍ଚାୟତ ଅନ୍ତର୍ଗତ ସୁମନ୍ତପୁର ଗ୍ରାମର ହରିଜନ ସାହିରେ ବାସ କରୁଥିବା ଜନୈକ ଭଗବାନ ନାଇକଙ୍କ ଘର ଭାଙ୍ଗି ଯାଇଅଛି ।ଘରର କାନ୍ଥ ପରିବାର ଉପରେ ଭୁଶୁଡି ପଡ଼ିବା କାରଣରୁ ପରିବାର ସଦସ୍ୟ ଆହତ ମଧ୍ୟ ହୋଇଛନ୍ତି । ଏହି ଖବର ପ୍ରଚାରିତ ହେବାପରେ ବାସହରା ଭାବରେ ରହୁଥିବା ପରିବାର ନିକଟରେ ସାନଖେମୁଣ୍ଡି ମାନ୍ୟବର ବିଧାୟକ ଶ୍ରୀ ରମେଶ ଚନ୍ଦ୍ର ଜେନା ପହଞ୍ଚି କ୍ଷତିଗ୍ରସ୍ତ ତଥା ଆହତଙ୍କୁ ସମବେଦନା ଜ୍ଞାପନ କରିଛନ୍ତି। ଏଥି ସହିତ ନିଜସ୍ଵ ପାଣ୍ଠିରୁ ଗୃହ ନିର୍ମାଣ ପାଇଁ କିଛି ସହାୟତା ରାଶି ପ୍ରଦାନ କରିଛନ୍ତି । ଏହା ସହ ପ୍ରଶାସନ ଜରିଆରେ ଥିବା ସରକାରୀ ସହାୟତା ଯୋଗାଇଦେବାକୁ ପ୍ରତିଶ୍ରୁତି ପ୍ରଦାନ କରିଛନ୍ତି । 
