ବ୍ରହ୍ମପୁର,୧୦/୦୩/୨୦୨୧ : ଆଜି ଅପରାହ୍ନ ସମୟରେ ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ସୁମଣ୍ଡଳ ସ୍ଥିତ ବଜାର ବନ୍ଧ ଠାରେ ଦଣ୍ଡ ଠାକୁରଙ୍କର ଆବିର୍ଭାବ ହୋଇଛି । ପ୍ରାପ୍ତ ସୂଚନା ଅନୁଯାୟୀ ସୁମଣ୍ଡଳ ପଂଚାୟତର ଭଲିଅଆଝର ଗ୍ରାମର ବାହାନ ପାହାନଙ୍କ ପୁଅ ଅରୁଣ ପାହାନଙ୍କୁ ଦୁଇଦିନ ପୂର୍ବେ ଏହି ବନ୍ଧରେ ଅଗ୍ନି ଝୁଣା ମୁଠା ଓ ଢାଳ ଥିବା ନେଇ ସ୍ବପ୍ନ ହେବା ପରେ ଅରୁଣ ଆଜି ସକାଳୁ ହଠାତ ଯାଇ ଉକ୍ତ ବନ୍ଧରେ ପଶି ପାଣିରେ ବୁଡି ଖୋଜିବା ପରେ ଉକ୍ତ ଅଗ୍ନି ଦଣ୍ଡ ପାଇବା ପରେ ଉକ୍ତ ସ୍ଥାନରେ ଶହ ଶହ ଲୋକ ରୁଣ୍ଡ ହୋଇଥିଲେ । ପରେ ବନ୍ଧ ହୁଡ଼ାରେ ପୂଜାର୍ଚ୍ଚନା କରାଯାଇଥିଲା । ସୁମଣ୍ଡଳ ଠାରେ ଏହି ଦଣ୍ଡ ଠାକୁରଙ୍କର ଆବିର୍ଭାବ ଯୋଗୁଁ ଏଠାରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ।
