ବ୍ରହ୍ମପୁର,୨୮/୦୭/୨୦୨୧ ( ଟୁକୁନା ପ୍ରଧାନ) ଆଜି ପୋଲସରା ମାତୃଶକ୍ତି କଲ୍ୟାଣ ମଣ୍ଡପ ଠାରେ ଉନ୍ମୋଚିତ ହୋ ଯାଇଛି R Madhav Creation ଦ୍ଵାରା, ଜଗନ୍ନାଥ ମହାପ୍ରଭୁଙ୍କ ଭାବ ଭକ୍ତିରେ ଭରା “ନୀଳାଚଳିଆ” ଏବଂ “ନୀଳ ମାଧବ ହେ” ନାମରେ ଦୁଇଗୋଟି ସୁନ୍ଦର ଭଜନ । ପ୍ରଯୋଜକ ସୁମନ୍ତ କୁମାର ଚର୍ଚ୍ଚିଙ୍କ ତତ୍ତ୍ଵାବଧାନରେ ଯୁବ ସଙ୍ଗୀତ ନିର୍ଦ୍ଦେଶକ ରାଇରଞ୍ଜନ ନନ୍ଦ ଙ୍କ ନିର୍ଦ୍ଦେଶନାରେ, ଶ୍ରୀମାନ ଶିବାନନ୍ଦ ବାରିକ ଙ୍କ ଶବ୍ଦ ସଂଯୋଜନା ରେ କଣ୍ଠଶିଳ୍ପୀ ବିକ୍ରମ କୁମାରଙ୍କ ଦ୍ଵାରା ଏକ ଯୁଗୋପଯୋଗୀ ଭଜନ “ନୀଳାଚଳିଆ” ଏବଂ ପ୍ରଯୋଜକ ପପୁନ କୁମାର ପଣ୍ଡା ଙ୍କ ସହୋଯୋଗରେ ବରିଷ୍ଠ ସଙ୍ଗୀତ ନିର୍ଦ୍ଦେଶକ ଶ୍ରୀ ପ୍ରଶାନ୍ତ ନନ୍ଦଙ୍କ ନିର୍ଦ୍ଦେଶନାରେ , ଗଙ୍ଗାଧର ଦଳାଇ ଙ୍କ ବଳିଷ୍ଠ ଲେଖନୀ ଚାଳନାରେ ଏକ ସୁନ୍ଦର ଭକ୍ତିରସ ର ଭଜନ “ନୀଳ ମାଧବ ହେ” ଯାହାକୁ ସ୍ୱର ରେ ସଜାଇଛନ୍ତି କଣ୍ଠ ଶିଳ୍ପୀ ସୁଶାନ୍ତ କୁମାର ।ଏହି ଉନ୍ମୋଚନ ସମାରୋହରେ ଛତ୍ରପୁର ବ୍ଳକ ଶିକ୍ଷାଧିକାରୀ ଅବିନାଶ ଶତପଥୀ ମୁଖ୍ୟ ଅତିଥି ରୂପେ ଯୋଗ ଦେଇ ସମସ୍ତଙ୍କୁ ଉତ୍ସାହିତ କରିଥିଲେ। କରୋନା କାଳ ରେ ସମସ୍ତ ପ୍ରକାର ନିୟମକୁ ଦୃଷ୍ଟିରେ ରଖି ବହୁ ବିଶିଷ୍ଟ ବ୍ୟକ୍ତିଙ୍କ ଗହଣରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଟିମ୍ ର କାର୍ଯ୍ୟକାରୀ ମୁଖ୍ୟ ତଥା R Madhav creation ର ପ୍ରତିଷ୍ଠାତା ଓଡ଼ିଶାର ସୁନାମଧନ୍ୟ ପ୍ରଯୋଜକ, ମାଧବ ମହାରଣା ଉପସ୍ଥିତ ରହି ନିଜ ସହଯୋଗରେ କାର୍ଯ୍ୟକ୍ରମକୁ ସୂଚାରୁ ରୂପେ ସମ୍ପାଦନା କରିଥିଲେ । ପରିଶେଷରେ ଯୁବ ସାହିତ୍ୟିକ ସୁପ୍ରଜିତ୍ ସାହୁ ଧନ୍ୟବାଦ ଅର୍ପଣ କରି ସଭାକୁ ସାଙ୍ଗ କରିଥିଲେ ।
