ବୁଗୁଡା,୨୫/୦୧/୨୦୨୨: ଜାନୁଆରୀ ୨୫ ତାରିଖ ଥିଲା ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ଦିବସ । ପାଙ୍ଗିଡ଼ି ଗ୍ରାମ ପଞ୍ଚାୟତ ସରପଞ୍ଚ ପଦବୀ ମହିଳାଙ୍କ ପାଇଁ ସଂରକ୍ଷିତ ଥିବା ବେଳେ ଦୁଇ ଜଣ ପ୍ରାର୍ଥୀପତ୍ର ଦାଖଲ କରିଥିଲେ। ସେହି ଦୁଇଜଣଙ୍କ ମଧ୍ୟରୁ ଜଣେ ପ୍ରାର୍ଥୀପତ୍ର ପ୍ରତ୍ୟାହାର କରିବା ଦ୍ୱାରା ପାଙ୍ଗିଡ଼ି ପଞ୍ଚାୟତର ସରପଞ୍ଚ ପଦବୀ ପାଇଁ କେବଳ ଭାଗ୍ୟଲତା ବିଷୋୟୀ ଜଣେ ପ୍ରାର୍ଥୀନୀ ରହି ଅପ୍ରତିଦ୍ବନ୍ଦୀ ହେବାର ସୌଭାଗ୍ୟ ଅର୍ଜନ କରିପାରିଛନ୍ତି। ଅପ୍ରତିଦ୍ବନ୍ଦୀ ହେବାପରେ ଭାଗ୍ୟଲତା ବିଷୋୟୀ ଏହାର ଶ୍ରେୟ ପୋଲସରା ବିଧାୟକ ଶ୍ରୀକାନ୍ତ ସାହୁଙ୍କୁ ଦେବାସହ ବିଧାୟକ ଶ୍ରୀ ସାହୁଙ୍କୁ କୃତଜ୍ଞତା ଜଣାଇଛନ୍ତି। ଶ୍ରୀମତୀ ବିଷୋୟୀ ଅପ୍ରତିଦ୍ବନ୍ଦୀ ହେବାପରେ ବ୍ଲକ ବିଜେଡି ସଭାପତି ମଦନ ଗୋପାଳ ଦୋରା, ସରପଞ୍ଚ ସୁଶାନ୍ତ କୁମାର ଆପଟ, ସମିତି ସଭ୍ୟ କୃଷ୍ଣ ରା, ବବୁଲ ନାୟକ, ସୂର୍ଯ୍ୟମଣି ଗୌଡ଼, ମାନସ ରଞ୍ଜନ ପ୍ରଧାନ ପ୍ରମୁଖ ଅଭିନନ୍ଦନ ଜଣାଇଛନ୍ତି। ପ୍ରକାଶ ଥାଉକି ଅପ୍ରତିଦ୍ବନ୍ଦୀ ସରପଞ୍ଚ ଶ୍ରୀମତୀ ବିଷୋୟୀଙ୍କ ସ୍ୱାମୀ ପୂର୍ଣ୍ଣଚନ୍ଦ୍ର ବିଷୋୟୀ ପୂର୍ବରୁ ତାଙ୍କର ବହୁ ସମର୍ଥଙ୍କ ସହ ପୋଲସରା ବିଧାୟକ ଶ୍ରୀକାନ୍ତ ସାହୁ ଓ ବ୍ଲକ ବିଜେଡି ସଭାପତି ମଦନ ଗୋପାଳ ଦୋରାଙ୍କ ଉପସ୍ଥତିରେ ବିଜେଡ଼ିରେ ସାମିଲ ହୋଇଥିଲେ। ବିଧାୟକ ମହୋଦୟ ପୂର୍ଣ୍ଣଚନ୍ଦ୍ର ବିଷୋୟୀଙ୍କ ଧର୍ମପତ୍ନୀ ଭାଗ୍ୟଲତା ବିଷୋୟୀଙ୍କୁ ସରପଞ୍ଚ ପ୍ରାର୍ଥୀଭାବେ ମନୋନୀତ କରିଥିଲେ। ବର୍ତ୍ତମାନ ପାଙ୍ଗିଡ଼ିର ସେହି ସରପଞ୍ଚ ପଦବୀ ଅପ୍ରତିଦ୍ବନ୍ଦୀ ହେବଯୋଗୁଁ ପୂର୍ଣ୍ଣଚନ୍ଦ୍ର ବିଷୋୟୀ ବିଧାୟକଙ୍କୁ କୃତଜ୍ଞତା ଜଣାଇବା ସହ ମାନ୍ୟବର ମୁଖ୍ୟମନ୍ତ୍ରୀ ଓ ବିଧାୟକଙ୍କ ନୀତି ଓ ଆଦର୍ଶ ରେ ଅନୁପ୍ରାଣିତ ହୋଇ ପଞ୍ଚାୟତର ଉନ୍ନତି ପାଇଁ ସମସ୍ତଙ୍କୁ ସହଯୋଗରେ ଭବିଷ୍ୟତରେ ସରପଞ୍ଚ କାର୍ଯ୍ୟ କରିବେ ବୋଲି ପ୍ରକାଶ କରିଥିଲେ।
ରିପୋର୍ଟ:ଅନିଲ କୁମାର ମହାରଣା
