କେନ୍ଦ୍ର ଗୃହ ମନ୍ତ୍ରାଳୟ ତରଫରୁ ଜାରି ହେଲା ନୂଆ ଆତଙ୍କବାଦୀ ଲିଷ୍ଟ, ସାମିଲ ହେଲା ଆଉ ୧୮ ଜଣ ଆତଙ୍କବାଦୀଙ୍କ ନାମ

ନୂଆଦିଲ୍ଲୀ,୨୭/୧୦/୨୦୨୦(ବ୍ୟୁରୋ ରିପୋର୍ଟ) କେନ୍ଦ୍ର ଗୃହ ମନ୍ତ୍ରାଳୟଙ୍କ ତରଫରୁ ମଙ୍ଗଳବାର ଆତଙ୍କବାଦୀଙ୍କ ବିପକ୍ଷରେ ଏକ ବଡ ପଦକ୍ଷେପ ନିଆଯାଇଛି । ଏକ ନୂଆ ଆତଙ୍କବାଦୀ ତାଲିକା ଜାରି କରିଛନ୍ତି । ଯୁଏପି ଆକ୍ଟ ଅନୁଯାୟୀ ଗୃହ ମନ୍ତ୍ରାଳୟ ତରଫରୁ ଜାରି ହୋଇଥିବା ଏହି ତାଲିକାରେ ୧୮ ଜଣ ଆତଙ୍କବାଦୀଙ୍କ ନାମ ରହିଛି | ଏହି ଲିଷ୍ଟରେ ଅଣ୍ଡର ୱାର୍ଲଡ଼ ଡନ ଦାଉଦ ଇବ୍ରାହିମଙ୍କର କିଛି ସାଥିଙ୍କର ନାମ ବି ରହିଛି । ଛୋଟା ସକିଲ, ଟାଇଗର ମେମନ ପରି ଆତଙ୍କବାଦୀ ଯେଉଁମାନେକି ୧୯୯୩ ମୁମ୍ବାଇ ବ୍ଲାଷ୍ଟରେ ଏକ ସକ୍ରିୟ ଭୂମିକା ନିଭେଇଥିଲେ ସେମାନଙ୍କର ନାମ ରହିଛି । ଉଲ୍ଲେଖଯୋଗ୍ୟ କି, ଗତ ବର୍ଷ ଯୁଏପିଏ ଲିଷ୍ଟରେ କେତେକ ପରିବର୍ତ୍ତନ ଅଣାଯାଇଥିଲା ।