ବ୍ରହ୍ମପୁର :ଅତିରିକ୍ତ ଶାସନ ସଚିବ ଶ୍ରୀଯୁକ୍ତ ପ୍ରଦୀପ୍ତ ମହାପାତ୍ରଙ୍କ ବଡ ମେଡିକାଲ ପରିଦର୍ଶନ

0
90

ବ୍ରହ୍ମପୁର,୨୮/୧୧- ଆଜି ରାଜ୍ୟ ସରକାର ଙ୍କ ଅତିରିକ୍ତ ଶାସନ ସଚିବ ପ୍ରଦୀପ୍ତ ମହାପାତ୍ର ଗୁରୁବାର ମହାରାଜା କୃଷ୍ଣଚନ୍ଦ୍ର ଗଜପତି(ଏମ୍‌କେସିଜି) ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟ ପରିଦର୍ଶନ କରିଛନ୍ତି। ରାଜ୍ୟ ସରକାରଙ୍କ ପକ୍ଷରୁ ଗତ ୩୦ତାରିଖରେ ବରିଷ୍ଠ ଅଧିକାରୀ ମହାପାତ୍ରଙ୍କୁ ଏମ୍‌କେସିଜିର ନୋଡ଼ାଲ୍‌ ଅଫିସର ଭାବେ ନିଯୁକ୍ତି ଦେବା ପରେ ଏହା ଥିଲା ତାଙ୍କର ପ୍ରଥମ ଗସ୍ତ। ଏହି ଅବସରରେ ସେ ମେଡ଼ିକାଲ୍‌ କର୍ତ୍ତୃପକ୍ଷ ଏବଂ ବିଭିନ୍ନ ବିଭାଗର ଅଧିକାରୀଙ୍କ ସହ ଉନ୍ନୟନ ମୂଳକ କାର୍ଯ୍ୟ ଏବଂ ଚିକିତ୍ସା ସୁବିଧା ସମ୍ପର୍କରେ ଆଲୋଚନା କରିବା ସହ ବିଭିନ୍ନ ୱାର୍ଡ ଗସ୍ତ କରିଥିଲେ। ରୋଗୀମାନଙ୍କ ସହ କଥା ହୋଇଥିଲେ । ତେବେ ଚିକିତ୍ସାରେ ଅବହେଳାଠାରୁ ଆରମ୍ଭ କରି ଅନେକ ପ୍ରକାର ଚିକିତ୍ସା ସୁବିଧା ମିଳୁନି ବୋଲି ରୋଗୀମାନେ ଅତିରିକ୍ତ ଶାସନ ସଚିବ ମହାପାତ୍ରଙ୍କ ଦୃଷ୍ଟି ଆକର୍ଷଣ କରିଥିଲେ ।

ପରିଦର୍ଶନ ପରେ ଅଧିକ୍ଷକଙ୍କ ଚାମ୍ବରରେ ବିଭିନ୍ନ ବିଭାଗର ଅଧିକାରୀଙ୍କ ସହ ସମୀକ୍ଷା କରିଥିଲେ । ଗସ୍ତ ସମ୍ପର୍କରେ ଅତିରିକ୍ତ ଶାସନ ସଚିବ ମହାପାତ୍ର କହିଥିଲେ ଯେ, ସମୀକ୍ଷା ବେଳେ ନିର୍ମାଣକାର୍ଯ୍ୟଗୁଡ଼ିକର ସମୀକ୍ଷା କରାଯାଇଥିଲା। ପିଏମ୍‌ଏସ୍‌ଏସ୍‌ୟୁ କୋଠାରେ ଅନେକ ପ୍ରକାର ଅ୍ଯଯାଧୁନିକ ଯନ୍ତ୍ରପାତି ଲାଗିଛି । କିନ୍ତୁ ବିଦ୍ୟୁତ୍‌ ସଂଯୋଗ ନ ଥିବା ଯୋଗୁ ଏହା କାର୍ଯ୍ୟକ୍ଷମ ହୋଇପାରୁନି । ଡିସେମ୍ବର ୧୫ତାରରିଖ ସୁଦ୍ଧା ବିଦ୍ୟୁତ୍‌ ସଂଯୋଗ ଏବଂ ଛୋଟମୋଟ ନିର୍ମାଣକାର୍ଯ୍ୟ ଶେଷ କରିବାକୁ ନିର୍ଦ୍ଦେଶ ଦିଆଯିବା ସହ ରାସ୍ତା ନିର୍ମାଣ ଏବଂ କ୍ୟାମ୍ପସ ସୌନ୍ଦର୍ଯ୍ୟକରଣକୁ ଗୁରୁତ୍ୱ ଦିଆଯାଇଥିଲା। ମୁଖ୍ୟତଃ ତିନଟି ସମସ୍ୟା ରହିଛି ପଞ୍ଜିକରଣ, ନିଦାନ ଏବଂ ନିରାମୟ। ରୋଗୀଙ୍କ ସଂଖ୍ୟା ବଢ଼ୁଥିବା ବେଳେ କମ୍‌ ସଂଖ୍ୟକ କାଉଣ୍ଟର ରହିଥିବା ଯୋଗୁ ସମସ୍ୟା ଉପୁଜଛି। କାଉଣ୍ଟର୍‌ ସଂଖ୍ୟା ବଢ଼ାଯିବା ସହ ନିଦାନରେ ଆଉଟ୍‌ସୋର୍ସିଂରେ କର୍ମଚାରୀ ନିଯୁକ୍ତି ସଂପର୍କରେ ଆଲୋଚନା ହୋଇଛି । ସମ୍ମୁଖରେ ଏକ ଅ୍ଯଯାଧୁନିକ କୋଠା ନିର୍ମାଣ କରାଯାଇ ସବୁ କାଉଣ୍ଟର୍‌କୁ ସେଠାକୁ ସ୍ଥାନାନ୍ତର କରାଯିବ । ନିରାମୟରେ ଅଧିକ ପ୍ରକାରର ଔଷଧ ଯୋଗାଇଦିଆଯିବ । ୨୪ଘଣ୍ଟିଆ ବିଦ୍ୟୁତ୍‌ ସଂଯୋଗ ଖୁବ୍‌ ଶୀଘ୍ର ଶେଷ ହେବ । ଡାଏଲସିସ୍‌ ୱାର୍ଡ଼ରେ ମାତ୍ର ୩ଟି ମଶିନ୍‌ ରହିଛି । ପିଏମ୍‌ଏସ୍‌ଏସ୍‌ୱାଇ କୋଠାରେ ୧୦ଟି ମଶିନ୍‌ ରହିଛି। ଆସନ୍ତା ୧୫ତାରିଖ ସୁଦ୍ଧା ନୂତନ କୋଠାକୁ ସ୍ଥାନାନ୍ତର ହେଲେ ଏହି ସମ୍ଯଯା ଦୂର ହେବ। ବିନା ଟଙ୍କାରେ ସମସ୍ତ ପ୍ରକାର ସୁବିଧା ମିଳିପାରୁଛି ବୋଲି ରୋଗୀମାନେ ପ୍ରକାଶ କରିଛନ୍ତି । ସମସ୍ୟାଗୁଡ଼ିକର ସମାଧାନ ପାଇଁ ଏକ ରିପୋର୍ଟ ପ୍ରସ୍ତୁତ କରି ରାଜ୍ୟ ସରକାରଙ୍କୁ ପ୍ରଦାନ କରିବି ବୋଲି ମହାପାତ୍ର ପ୍ରକାଶ କରିଥିଲେ।

ଗସ୍ତ ସମୟରେ ଜିଲାପାଳ ବିଜୟ ଅମୃତା କୁଲାଙ୍ଗେ, ଉପଜିଲାପାଳ ଶିନ୍ଦେ ଦତ୍ତାତ୍ରୟ ଭାଉସାହେବ, ମେଡ଼ିକାଲ୍‌ ଡିନ୍‌ ଡା. ରାଧାମାଧବ ତ୍ରିପାଠୀ, ଭାରପ୍ରାପ୍ତ ଅଧିକ୍ଷକ ଡା. ସତ୍ୟଦର୍ଶୀ, ଡିଏମ୍‌ଇଟିର ଯୁଗ୍ମ ନିର୍ଦ୍ଦେଶକ ପ୍ରଫେସର ଉମାକାନ୍ତ ଶତପଥୀ, ପ୍ରଶାସନିକ ଅଧିକାରୀ ବିଚିତ୍ରାନନ୍ଦ ନାୟକ, ପୂର୍ତ୍ତ ବିଭାଗର ଅଧିକ୍ଷଣ ଯନ୍ତ୍ରୀ ବିନୋଦ ପାଢ଼ି, ସାଉ୍‌ଥ୍‌କୋର ଅଧିକ୍ଷଣ ଯନ୍ତ୍ରୀ ଚନ୍ଦନ ଦାସ, ଜିଇଡି ସହକାରୀ ଯନ୍ତ୍ରୀ ସୁବାସ ଚନ୍ଦ୍ର ନାହାକ, ଜନସ୍ବାସ୍ଥ୍ୟ ବିଭାଗର ବିଘ୍ନେଶ୍ୱର ପରିଡ଼ାଙ୍କ ସମେତ ବରିଷ୍ଠ ଡାକ୍ତରମାନେ ଉପସ୍ଥିତ ଥିଲେ ।

LEAVE A REPLY

Please enter your comment!
Please enter your name here