ଯାଜପୁର,୦୭/୦୫/୨୦୨୧:ମହାମାରୀ କରୋନାକୁ ପରାହତ କରିବା ସହିତ ଅନ୍ୟର ଜୀବନ ବଞ୍ଚାଇବା ଓ ଅନ୍ୟର ଦୁଃଖରେ ସାମିଲହୋଇ ଅସହାୟର ମୁହଁରେ ହସ ଫୁଟାଇବାର ପ୍ରୟାସନେଇ ବିଭିନ୍ନ ସମୟରେ ଲୋକମାନଙ୍କ ପାଖରେ ପହଁଚି ସେମାନଙ୍କ ସୁଖ ଦୁଃଖର ସାଥି ହେଉଥିବା ଦେଶର ଅଗ୍ରଣୀ ସମାଜ କଲ୍ୟାଣକାରୀ ଜନ ସଙ୍ଗଠନ ଚିନ୍ମୟ ଫାଉଣ୍ଡେସନ ଓ ଫାଉଣ୍ଡେସନଦ୍ୱାରା ପରିଚାଳିତ ଡ଼ଲଫିନ ଡ଼୍ୟାନ୍ସ ସ୍କୁଲ ଆଣ୍ଡ ଗ୍ରୁପ ପକ୍ଷରୁ ଗତ ମାର୍ଚ୍ଚ ୨୨ତାରିଖ ୨୦୨୦ମସିହାରୁ ନିରସ୍ତ୍ର ସୈନିକ ସାଜି ନିରବଛିନ୍ନ ଭାବରେ ଆଜକୁ ୪୧୧ଦିନଧରି ସଚେତନତା ଓ ସେବା ଯୋଗାଇ ଆସିଥିବାର ଜଣାଯାଇଛି।ଫାଉଣ୍ଡେସନର ରାଷ୍ଟ୍ରୀୟ ଅଧ୍ୟକ୍ଷ ଚିନ୍ମୟ ଦାଶଙ୍କ ପରାମର୍ଶକ୍ରମେ ଫାଉଣ୍ଡେସନର ଅନ୍ୟତମ ସଦସ୍ୟା ତଥା ବର୍ଷିୟାନ ସମାଜସେବୀ ଶ୍ରୀମତୀ ମଧୁସ୍ମିତା ନାୟକଙ୍କ ନେତୃତ୍ୱରେ ଯାଜପୁର ଜିଲ୍ଲା ଦଶରଥପୁର ଅଞ୍ଚଳର ବିଭିନ୍ନ ସ୍ଥାନରେ ସାଧାରଣ ଜନତାଙ୍କୁ କରୋନା ସମ୍ପର୍କରେ ସଚେତନ କରିବାସହ ଗରିବ ଅସହାୟ ଲୋକମାନଙ୍କୁ ଶୁଖିଲା ଓ ରନ୍ଧା ଖାଦ୍ୟ, ମାକ୍ସ,ସାବୁନ, ସାନିଟାଇଜର,ଓ.ଆର.ଏସ,ଶାଢ଼ୀ, ବସ୍ତ୍ର ,ବିସ୍କୁଟ ଆଦି ବଣ୍ଟନସହ ଆର୍ଥିକ ଅନଗ୍ରସର ବ୍ୟକ୍ତିମାନଙ୍କୁ ଆର୍ଥିକ ସହାୟତା ଯୋଗାଇ ଦିଆଯାଇଅଛି।ଏହି କାର୍ଯ୍ୟକ୍ରମରେ ଫାଉଣ୍ଡେସନର ଅନ୍ୟତମ ପ୍ରକଳ୍ପ ଡ଼ଲଫିନ ଡ଼୍ୟାନ୍ସ ସ୍କୁଲ ଆଣ୍ଡ ଗ୍ରୁପର ନିର୍ଦ୍ଦେଶକ ମାଷ୍ଟର ମିହିର କୁମାର, ରାଜକମଲ ପଣ୍ଡା,କୃଷ୍ଣଚନ୍ଦ୍ର ମଲ୍ଲିକ ଆଦି ସହଯୋଗ କରୁଥିବାର ଜାଣିବାକୁ ମିଳିଛି।ଏହି କାର୍ଯ୍ୟକ୍ରମ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ନିରବଛିନ୍ନ ଭାବରେ ଚାଲୁ ରହିବ ବୋଲି ଫାଉଣ୍ଡେସନ ପକ୍ଷରୁ ସୂଚନା ଦିଆଯାଇଛି।
