ବ୍ରହ୍ମପୁର,୦୩/୦୭/୨୦୨୬: ପଶ୍ଚିମ ଭାରତର ମହାରାଷ୍ଟ୍ର ରାଜ୍ୟର ନାଶିକ ଠାରେ ଚଉଦ ତମ ନ୍ୟସନାଲ ସିଙ୍ଗା, ମକାନ, ପ୍ରିଟିନ, ପ୍ରିଜୁନିଅର ଓ ଜୁନିଅର ପେନକାକ ସିଲଟ ଚମ୍ପିୟାନସିପି ପ୍ରତିଯୋଗିତା ରେ ଗୌରାବାନ୍ୱିତ କରିଛନ୍ତି ଗଞ୍ଜାମ ପେନସିକ ସିଲଟ ସଂଘର ଖେଳାଳି। ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ ପକ୍ଷରୁ ଜାତୀୟ ପେନକାକ ସିଲଟ ପ୍ରତିଯୋଗିତା ଚଳିତ ଜୁନ ୨୫ ରୁ ୨୮ ତାରିଖ୍ୟ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତା ରେ ଗଞ୍ଜାମ ପେନକାକ ସିଲଟ ସଂଘ ଖେଳାଳି ଉଲ୍ଲେଖନୀୟ ପ୍ରଦର୍ଶନ କରି ୧ଟି ସ୍ବର୍ଣ୍ଣ ପଦକ ଓ ୨ଟି ରୌପ୍ୟ ପଦକ ହାସଲ କରି ବ୍ରହ୍ମପୁର ଓ ଗଞ୍ଜାମ ଜିଲ୍ଲା ପାଇଁ ଗୌରବ ଆଣିଛନ୍ତି। ପ୍ରତିଯୋଗିତା ର ପ୍ରିଟିନ ବାଳିକା ବର୍ଗ ସୋଲୋ ରେ ସ୍ନେହାଞ୍ଜଳି ସାହୁ ସ୍ବର୍ଣ୍ଣ ପଦକ, ଜୁନିଅର ବାଳିକା ବର୍ଗ ଟେଣ୍ଡିଂ ରେ ଅର୍ପିତା ଗୌଡ଼ ରୌପ୍ୟ ପଦକ ଓ ପ୍ରିଜୁନିଅର ବାଳକ ବର୍ଗ ଗାଣ୍ଡା (ଡବଲ ବିଭାଗ )ରେ ମାରୁତି ପ୍ରସାଦ ସମନ୍ତରାୟ ଓ ସାଇ କ୍ରିଷ୍ଣା ପାଣିଗ୍ରାହୀ ରୌପ୍ୟ ପଦକ ହାସଲ କରିଥିଲେ। ଗଞ୍ଜାମ ପେନକାକ ସିଲଟ ସଂଘ ର ଖେଳାଳି ଙ୍କ ଏହି ସଫଳତା ଜିଲ୍ଲା ର କ୍ରୀଡା କ୍ଷେତ୍ର ପାଇଁ ଏକ ବଡ ସଫଳତା ଭାବେ ବିବେଚନା କରାଯାଇଛି।
