ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଦ୍ଵାରା ପୁସ୍ତକ ଉନ୍ମୋଚିତ

0
473

ବ୍ରହ୍ମପୁର,୧୯/୦୯/୨୦୨୧ (ଟୁକୁନା ପ୍ରଧାନ)-: ଗତକାଲି ଓଡ଼ିଶାର ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଦ୍ଵାରା ଶିକ୍ଷକ ପ୍ରସନ୍ନ କୁମାର ନାୟକ ଙ୍କ ବିଜ୍ଞାନ ସମ୍ଵନ୍ଧୀୟ ଲିଖିତ ପୁସ୍ତକ “ଶରୀର ଗାଥା” ଉନ୍ମୋଚିତ ହୋଇଯାଇଛି । ଉନ୍ମୋଚନ କାର୍ଯ୍ୟକ୍ରମ ରେ ଜାତୀୟ ଇଂରାଜୀ ସମ୍ବାଦ ପତ୍ର ସହ ଅନ୍ତର୍ଜାତୀୟ ସାମାଜିକ ଗଣ ମାଧ୍ୟମ ଆଇ ୱାଇ ଏ ନ୍ୟୁଜ ର ସମ୍ପାଦିକା ତଥା ଯୁବ ବର୍ଗର ପ୍ରେରଣା, ଯୁବ ବର୍ଗର ସ୍ବର ଇଣ୍ଡିଆନ ୟୁଥ ଏସୋସିଏସନ ସଂଗଠନ ର ସମ୍ପାଦିକା ସୁଶ୍ରୀ ଏନ ଏଚ ପ୍ରିୟା ଗଡ଼ନାୟକ ପ୍ରମୂଖ ଉପସ୍ଥିତ ଥିଲେ । ଶିକ୍ଷକ ଶ୍ରୀ ନାୟକ ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ଅଙ୍ଗାରଗାଁ ସ୍ଥିତ ଦଣ୍ଡପାଣି ସୁମନ୍ତରାୟ ଉଚ୍ଚ ବିଦ୍ୟାଳୟ ରେ ବିଜ୍ଞାନ ଶିକ୍ଷକ ଭାବେ କାର୍ଯ୍ୟରତ ଅଛନ୍ତି । ପେସାରେ ଶିକ୍ଷକତା ସହିତ ନିଶାରେ ସେ ଏକାଧାରାରେ ଜଣେ ଲେଖକ, କବି, ସମାଜସେବୀ ଏବଂ ପରୋପକାରୀ, ଛାତ୍ରବତ୍ସଳ ଶିକ୍ଷକ ଅଟନ୍ତି ।ଆଗରୁ ମଧ୍ଯ ତାଙ୍କର ସ୍ଵରଚିତ ପୁସ୍ତକ ପ୍ରକାଶିତ ହୋଇଯାଇଛି ।ରାଜ୍ୟପାଳ ପ୍ରଫେସର ଗଣେଶୀ ଲାଲ ଶିକ୍ଷକ ଶ୍ରୀ ନାୟକ ଙ୍କୁ ପ୍ରସଂସା କରିବା ସହ ଆଗକୁ ଏ ଭଳି ପୁସ୍ତକ ଲେଖିବା ପାଇଁ ପ୍ରେରଣା ଦେଇଥିଲେ। ଏବଂ ରାଜ୍ୟପାଳ ” ଶରୀର ଗାଥା” ପୁସ୍ତକ ଟିକୁ ପଢି ଖୁସିବ୍ୟକ୍ତ କରିଥିଲେ ।ଏଥିସହିତ ଶିକ୍ଷକ ଶ୍ରୀ ନାୟକଙ୍କ ସ୍ଵରଚିତ ପୁସ୍ତକଟି ଓଡ଼ିଶାର ମହାମହିମା ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ କରକମଳରେ ଉନ୍ମୋଚିତ ହୋଇଥିବା ହେତୁ ଶିକ୍ଷକ ପ୍ରସନ୍ନ କୁମାର ନାୟକ ମଧ୍ଯ ଖୁସିବ୍ୟକ୍ତ କରିଛନ୍ତି ।

LEAVE A REPLY

Please enter your comment!
Please enter your name here