ରେଳବାଇ ସୁରକ୍ଷାବଳ ଦ୍ୱାରା ଦୁଇଟି ବଡ ସଫଳତା

0
161

ରେଳବାଇ ସୁରକ୍ଷାବଳ ଦ୍ୱାରା ଦୁଇଟି ବଡ ସଫଳତା :

୦୧. ଢେଙ୍କାନାଳ ଅଞ୍ଚଳରୁ ଗଞ୍ଜେଈ ଚୋରା କାରବାର ର ମୁଖ୍ୟ ଅଭୁଯୁକ୍ତକୁ ଧରିବା I

୦୨. ବଲାଙ୍ଗୀର ଠାରେ ଟ୍ରେନ ରୁ ୫୫୦ ପରା ଉଦ୍ଧାର କରିବା I

ଦୁଇଟି ପୃଥକ ଘଟଣାରେ ପୂର୍ବତଟ ରେଳପଥ ରେଳବାଇ ସୁରକ୍ଷାବଳ ଟ୍ରେନରେ ଚୋରାଚାଲାଣ କରାଯାଉଥିବା ୫୫୦ ଟି ପାରାଙ୍କୁ ବଲାଙ୍ଗୀର ଷ୍ଟେସନ ରୁ ଉଦ୍ଧାର କରିବା ସହିତ ଢେଙ୍କାନାଳ ଅଞ୍ଚଳରୁ ଗଞ୍ଜେଈ ଚୋରାଚାଲାଣ କରୁଥିବା ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି I

ବଲାଙ୍ଗୀର ଷ୍ଟେସନ ଠାରେ ରେଳବାଇ ସୁରକ୍ଷାବଳ ହାଓଡ଼ା-ଜଗଦଳପୁର ସମଲେଶ୍ୱରୀ ଏକ୍ସପ୍ରେସ ଟ୍ରେନ ର ସାଧାରଣ ଦ୍ଵିତୀୟ ଶ୍ରେଣୀ ବଗିରୁ ବେଆଇନ ଭାବେ ପରିବହନ କରାଯାଉଥିବା ୭ଟି ଟୋକେଇରେ ୫୫୦ ପାରାଙ୍କୁ ଉଦ୍ଧାର କରିବା ସହିତ ଜଣକୁ ଅଟକ ରଖିଛି I ଉଭୟ ପାରା ଓ ଅଟକ ରଖିଥିବା ବ୍ୟକ୍ତିକୁ ବଲାଙ୍ଗୀର ଜିଲ୍ଲା ବନ ବିଭାଗ କୁ ହସ୍ତାନ୍ତର କରାଯାଇଅଛି I

ଅନ୍ୟ ଘଟଣାରେ ଢେଙ୍କାନାଳ ସ୍ଥିତ ରେଳବାଇ ସୁରକ୍ଷାବଳ ଓ ଖୋର୍ଦ୍ଧା ସ୍ଥିତ ରେଳବାଇ ସୁରକ୍ଷାବଳ କ୍ରାଇମ ଇଣ୍ଟେଲଲିଜେନ୍ସ ବିଭାଗ ଦ୍ୱାରା ଢେଙ୍କାନାଳ ସ୍ଥିତ କୁଞ୍ଜକଣ୍ଟା ଠାରେ ଗୋଟିଏ ଦୋକାନ ଉପରେ ମିଳିତ ଚଢ଼ଉ କରାଯାଇ ଜଣକୁ ଗିରଫ କରିବା ସହିତ ଚାରି ବସ୍ତା (୧୬୦ କି.ଗ୍ରା.) ଗଞ୍ଜେଈ ଜବତ କରିଛି ଯାହାର ଆନୁମାନିକ ମୂଲ୍ୟ ୮୦ ହଜାର ତାଙ୍କ ହେବ I

ଏଠାରେ ଦର୍ଶାଯାଇପାରେ ଯେ ଗତ ୧୧ ତାରିଖ ଦିନ ଚଳନ୍ତା ହାଓଡ଼ା-ସମ୍ବଲପୁର ଏକ୍ସପ୍ରେସ ରୁ ଗଞ୍ଜେଈବସ୍ତା ଫୋପାଡିବା ଘଟଣାରେ ରେଳଧାରଣରେ କାର୍ଯ୍ୟକରୁଥିବା ତିନି ଜଣ ରେଳବାଇ କର୍ମଚାରୀ ଗୁରୁତର ଆହତ ହୋଇଥିଲେ I ଏହି ଘଟଣା ର ସୁରାକ ପାଇରେଳବାଇ ସୁରକ୍ଷାବଳ ଢେଙ୍କାନାଳ ସ୍ଥିତ କୁଞ୍ଜକଣ୍ଟା ଠାରେ ଏକ ଦୋକାନ ଉପରେ ଚଢ଼ଉ କରି ଜଣକୁ ଗିରଫ କରିବା ସହିତ ଚାରି ବସ୍ତା ଗଞ୍ଜେଈ ଜବତ କରିଥିଲେ I

ଗିରଫ ବ୍ୟକ୍ତି ଏହି ଅଞ୍ଚଳରେ ଗଞ୍ଜେଈ ଚୋରାଚାଲାଣ କାରବାର ର ମୁଖ୍ୟ ଅଭିଯୁକ୍ତ ଅଟନ୍ତି ଯିଏକି ନିଜ ସାନଭାଇ ସହାୟତାରେ ଏହି ବେଆଇନ ବ୍ୟବସାୟ କରିଥାଏ I ରେଳବାଇ ସୁରକ୍ଷାବଳ ଅଭିଯୁକ୍ତକୁ ଢେଙ୍କାନାଳ ସ୍ଥିତ ଏସଡ଼ିଜେଏମ କୋର୍ଟରେ ହଜାର କରାଇଛନ୍ତି I

LEAVE A REPLY

Please enter your comment!
Please enter your name here